Elimizde qansha áskerı qyzmetshi vaktsına saldyrdy
NUR-SULTAN. QazAqparat – Búgingi tańda áskerı qyzmetshiler arasynda vaktsına saldyrǵandardyń jalpy sany 30 myńǵa jýyqtady. Bul týraly Ortalyq kommýnıkatsııalar qyzmetinde ótken brıfıngide aıtyldy, dep habarlaıdy QazAqparat tilshisi.
«Áskerı qyzmetshini tolyq áskerı-medıtsınalyq qamtý úshin barlyq jaǵdaı jasalǵan. Qarýly Kúshterde osy úshin qajetti medıtsınalyq quralmen jabdyqtalǵan 15 gospıtal, lazaret, emhana, 130-dan astam medıtsınalyq pýnkt, rota men bólimshe jumys isteıdi. Odan basqa, sanıtarııalyq-epıdemıologııalyq qyzmetter, dári-dármekpen, medıtsınalyq buıymmen qamtý úshin qoımalar jumys isteıdi», - deıdi «Qarýly kúshterde zattaı múlikpen qamtamasyz etý jáne tamaqtandyrýdy uıymdastyrý» týraly brıfıngide QR Qorǵanys mınıstriniń orynbasary Muhamedjan Talasov.
Ol pandemııa kezeńinde Nur-Sultan jáne Almaty qalalaryndaǵy gospıtalderde ınfektsııalyq statsıonarlar jumys isteıtinin aıtty.
«Óńirlik gospıtalder men lazaretterde osyndaı qyzmetter úshin qosymsha ınfektsııalyq bólimsheler ashylǵan. Tórt PTR-zerthana jumys isteıdi, olardyń árqaısysy táýligine 300-ge deıin taldama júrgize alady. Qarýly kúshterdegi áskerı-medıtsına qyzmetkerleriniń qajyrly eńbeginiń jáne indettiń taralýynyń eń belsendi kezeńinde barlyq sanıtarlyq-epıdemıologııalyq talaptardyń saqtalýynyń arqasynda áskerde koronavırýs ınfektsııasyn juqtyrýdyń jappaı jaǵdaılary tirkelgen joq. Búgingi tańda ekpe alǵandardyń jalpy sany 30 myńǵa jýyq. Ekpe salý áli de jalǵasýda», - deıdi ol.
