Elimizde qansha áskerı dáriger koronavırýspen kúreske jumyldyrylady

NUR-SULTAN. QazAqparat - Qarýly kúshter bas áskerı medıtsına bastyǵynyń orynbasary, medıtsına qyzmetiniń polkovnıgi Álibek Manabaev arnaıy brıfıngte áskerılerdi vaktsınalaý barysy jaıynda aıtyp berdi, dep habarlaıdy QazAqparat.

Onyń aıtýynsha, búginde ekpe saldyrǵan áskerı medıtsına qyzmetkerleriniń sany myńnan asqan.

«Jalpy Qazaqstanda 3 myńnan astan áskerı medıtsına qyzmetkeri bar. Q ajet bolǵan jaǵdaıda 2 myńnan astam medıtsına qyzmetkeri koronavırýs indetine qarsy kúreske jumyldyrylady. Bul - d ensaýlyq saqtaý mekemeleriniń, jergilikti ákimshilikterdiń suranysyna baılanysty» deıdi áskerı medıtsına polkovnıgi.

Álibek Manabaev brıfıngte «q azirgi kezde Qazaqstanda koronavırýspen kúreske jumyldyrylǵan áskerı medıtsına qyzmetkerleri bar ma?» degen suraqqa da jaýap berdi.

«Jergilikti ákimdikterdiń suranysy boıynsha Nur-Sultan qalasyndaǵy bas áskerı klınıkalyq gospıtal men Almaty qalasyndaǵy áskerı klınıkalyq gospıtal koronavırýs naýqastaryn emdeýge jumyldyrylyp otyr. Bul mekemelerde tájirıbe jetkilikti, óıtkeni pandemııanyń birinshi kezeńinde Qarýly kúshterdiń 4 áskerı mekemesi koronavırýs juqtyrǵan naýqastardy emdegen bolatyn» dep atap ótti Álibek Manabaev.

«Al olarǵa ústemaqy tóleý jaǵy qarastyrylǵan ba?» degen suraqqa áskerı dáriger:

«Densaýlyq saqtaý mınıstrliginiń buıryǵyna ózgerister engizý arqyly qarastyrylǵan. Azamattyq densaýlyq saqtaý salasyndaǵy áriptester sııaqty olar da ústemaqy alyp otyr» dep jaýap qatty.

Eske sala keteıik, buǵan deıin Qorǵanys mınıstri men onyń orynbasarlarynyń, bas qolbasshylardyń koronavırýs vaktsınasyn saldyrǵanyn jazǵan bolatynbyz.