Elimizde qandaı jol jobalarynyń quny qaıta qaralady

NUR-SULTAN. QazAqparat - «QazAvtoJol» UK» AQ syrtqy qaryz departamentiniń ókili Erlan Qalymov baǵany kóterý baǵytynda tasjol qurylysy boıynsha qansha jobany qaıta qaraý josparlanǵanyn aıtty, dep habarlaıdy QazAqparat.

«Qazir baǵanyń qanshalyqty kóteriletinin aıta almaımyn, sebebi ol jobalyq-smetalyq qujattamany rettegennen keıin anyqtalady. Birinshi kezeńde respýblıkalyq bıýdjet komıssııasy túzetýdiń qanshalyqty oryndy ekenin, ekinshi kezeńde – qarjy bólý sheshimin qabyldaıdy. ıAǵnı, birinshi kezeńnen keıin resmı jobalyq-smetalyq qujatty túzetemiz, sodan keıin memlekettik saraptamadan qaıta ótemiz, baǵa sodan keıin ǵana belgili bolady», - dedi E.Qalymov.

Ol qandaı jobalardyń qunyn qaıta qaraý josparlanyp otyrǵanyn aıtty.

«Bizde syrtan qaryz tartatyn úsh joba bar. Olar – tórt ýchaskeden turatyn «Atyraý-Astrahan» jobasy, eki izdeý kesheni bar «Aqtóbe-Qandyaǵash» jáne bir iske qosý júıesi bar «Kúrte-Qapshaǵaı». Al respýblıkalyq bıýdjet esebinen júzege asatyn jobalar boıynsha Shamalǵan stantsııasyn aınalyp ótetin ýchaskeniń jobasy túzeýge jatady. Bul «Nur-Sultan-Petropavl» baǵytynyń 400 shaqyrymnan astam joly, sonymen qatar «Úsharal-Dostyq» jáne «Aqtóbe-Aqtaý-Astrahan» jobalaryndaǵy eki ýchaske», - dep naqtylady E.Qalymov.