Elimizde qandaı mektepter shtattyq rejımde jumys isteıdi
NUR-SULTAN. QazAqparat – Elimizde 1 080 shaǵyn jınaqtalǵan mektep shtattyq rejımde jumys isteıdi. Bul týraly Ortalyq kommýnıkatsııalar qyzmetinde ótken mektep oqýshylarynyń ІV toqsanda qashyqtan oqý júıesine arnalǵan onlaın konferentsııada aıtyldy, dep habarlaıdy QazAqparat tilshisi.
«Oqýshylardy qashyqtan oqytýdyń tórtinshi tetigi – shtattyq rejımde oqý. Elimizde 1 080 shaǵyn jınaqtalǵan mektep bar. Olar shalǵaıda ornalasqan, 80-100 aralyǵynda oqýshy oqıtyn mektepter. Ol jaqta koronavırýs qaýpi az, sondyqtan jergilikti atqarý organdarynyń sheshim qabyldaýymen osy mektepter shtattyq rejımde oqýyn jalǵastyrady. Dástúrli rejımde sabaq júrgiziledi desek te, aýyldyq jerdegi kóp mektep bir aýysymda oqıdy. Olardy eki aýysymǵa kóshiremiz jáne karantındik rejımdi iske asyryp, bir kabınette ǵana sabaq júrgizilsin degen hattama bekitip berdik», - deıdi QR Bilim jáne ǵylym mınıstri Ashat Aımaǵambetov.
