Elimizde qandaı mamandarǵa suranys joǵary
ASTANA. QazAqparat –QR Eńbek jáne halyqty áleýmettik qorǵaý mınıstri Tamara Dúısenova OKQ ótken baspasóz máslıhatynda Qazaqstandaǵy suranysqa ıe mamandyqtardy atady, dep habarlaıdy QazAqparat tilshisi.
«Elektrondy eńbek bırjasynda ornalasqan habarlandyrýlarǵa sáıkes, bizde ınjenerlik-tehnıkalyq qyzmetkerlerge, qyzmet kórsetý salasynyń qyzmetkerlerine suranys joǵary», - dedi Tamara Dúısenova.
T. Dúısenovanyń aıtýynsha, jyl basynan beri Qazaqstanǵa Reseıden 262 myńǵa jýyq adam kelgen. Onyń ishinde 6 518 adam – «jumysqa barý» maqsatyn jazǵan adamdar.
«Tipti pandemııaǵa deıingi kezeńde Reseı Federatsııasynan 24 816 adam, sodan keıin 2019 jyly – 30 myń, 2020 jyly – 33 myń, al ótken jyly – 32 myńǵa jýyq adam kelgen. Qazir kelgender men ketkenderdi eskere otyryp, bizdiń qyzmetterimizdiń málimetteri boıynsha elge jumys maqsatynda kelgen jáne naryqta júrgen 25 301 reseılik bar. Oǵan jyl basynan beri kelgen 6 myń adamdy qossaq, 31 myńǵa jýyq reseılik jumys istep júr», - dedi Tamara Dúısenova.
