Elimizde qandaı qylmys jıi jasalady
NUR-SULTAN. QazAqparat – QR Іshki ister mınıstrliginiń resmı ókili Nurdildá Oraz Qazaqstanda ótken aptada tirkelgen qylmystar jóninde aıtyp berdi, dep habarlaıdy QazAqparat tilshisi.
«Ótken aptada elimizde 3434 qylmys pen quqyqbuzýshylyqtar tirkeldi. Kezekshi iz kesýshiler 2228 qylmysty anyqtady. Qylmystar arasynda burynǵydaı urlyq kósh bastap tur. Ótken aptada elimiz boıynsha 1316 urlyq jasalǵan. Onyń ishinde 568 urlyq ashyldy», - dedi Nurdildá Oraz facebook jelisinde ótken onlaın brıfıngte.
Resmı ókildiń aıtýynsha, qarjylyq pıramıda qurǵan birneshe kúdiktige qatysty tergeý bastaldy.
QR ІІM Tergeý deparatmenti 2016-2017 jyldar aralyǵynda Questra Holdings, Questra World, Atlantic Global Asset Management, FIVE WINDS Asset Management degen ataýlarmen qarjylyq pıramıda qurǵan birqatar elimizdiń jáne basqa elderdiń azamattaryna qatysty tergeýdi bastady. Olardyń áreketinen myńdaǵan qazaqstandyq zardap shekken. Qarapaıym azamattar bas-aıaǵy 1 mlrd teńgeden astam qarajatqa aldanǵanyn aıtyp otyr», - dedi N. Oraz.
