Elimizde qan aınalymy júıesi aýrýynyń aldyn alý jóninde onkúndik ótedi
ASTANA. QazAqparat - Búkilálemdik júrek kúni jyl saıyn, Dúnıejúzilik densaýlyq saqtaý (DDU) uıymy ıÝNESKO-men seriktes Dúnıejúzilik júrek federatsııasynyń bastamasymen jáne Halyqaralyq uıymdardyń qoldaýymen qyrkúıek aıynyń sońǵy jeksenbisinde Búkilálemdik júrek kúnin atalyp ótedi.
Bul týraly «Salaýatty ómir saltyn qalyptastyrý problemalary ulttyq ortalyǵynyń baspasóz qyzmeti habarlady.
Respýblıkada 2014 jylǵy 22 qyrkúıek pen 1 qazan aralyǵynda « Saý júrektiń paıdasyna tańdaý jasaý - qıyn emes! Saý júrekti tańda» uranymen Dúnıejúzilik júrek kúnine oraılastyrylǵan qan aınalymy júıesi (QAJ) aýrýlarynyń aldyn alý jóninde onkúndik ótkiziledi.
Adam aǵzasyna ózi ómir súrip, oqyp jáne jumys istep otyrǵan, ásirese qalalyq jaǵdaıda qorshaǵan ortanyń áseri mol. Álemde adamdar kelesi jaǵdaılarǵa tap bolady: jasyl-jelekke qoljetimdiliktiń joqtyǵy; durys tamaqtanbaý, onyń ishinde mektepte tamaqtaný, fast-fýdty tutyný; ishimdikti shamadan tys tutyný; shylymqorlyq, adamdar kóp jınalǵan oryndarda, saıabaqtarda, qoǵamdyq kólikter men jumys oryndarda temekiniń áseri.
Onkúndik sheńberinde nysanaly toptar men medıtsına qyzmetkerlerine arnalǵan oqytý sharalary, qan aınalymy júıesi aýrýynyń saldarynan bolǵan ózekti máselelerge jurtshylyqtyń nazaryn aýdarý, barlyq halyq toby arasynda ıshemııalyq aýrý men mı ınsýltine qatysty profılaktıkalyq sharalarǵa bastamashylyq etý maqsatynda aqparattyq-kommýnıkatsııalyq naýqan júrgiziledi.
Sondaı-aq sondaı-aq onkúndik óz densaýlyǵyna ortaq jaýapkershilikti, qan aınalymy júıesi aýrýlarynyń, olardyń asqynýynyń aldyn alý men erte anyqtaý sharalary jóninde habardarlyqty arttyrý; qan aınalymy júıesi aýrýynyń aldyn alýǵa baǵyttalǵan máselelerdi sheshýge jergilikti atqarýshy organdardyń, jumys berýshilerdiń, bıznes qurylymdardyń, ÚEU-nyń nazaryn aýdarýdy kózdeıdi.
