Elimizde qalyptasqan tarıhı organıkalyq lastaǵyshtar 250 myń tonnany qurap otyr

Bul týraly búgin Májiliste elimizdiń ekoologııalyq máselelerine arnalǵan Úkimet saǵatynda Qorshaǵan ortany qorǵaý mınıstri Nurlan Qapparov málim etti.

«Sot sheshimimen ıesiz ári qaraýsyz dep tanylǵan jáne respýblıkalyq menshikke túsken qaýipti qaldyqtardy basqarý máselesi erekshe nazardy talap etedi. Óıtkeni búgingi tańda qalyptasqan tarıhı turaqty organıkalyq lastaǵyshtardyń jalpy kólemi 250 myń tonnany qurap otyr», - deıdi mınıstr.

Onyń aıtýynsha, qazirgi kúni organıkalyq lastaǵyshtardy joıýǵa qatysty birqatar sharalar qabyldanyp jatyr. Máselen, Dúnıejúzilik Bank organıkalyq lastaǵyshtardy joıý jónindegi zaýyt qurylysynyń tehnıkalyq-ekonomıkalyq negizdemesin daıyndaýǵa 200 myń dollar mólsherinde grantty quptaǵan.