Elimizde qaǵaz óndirisiniń kólemi ósti
NUR-SULTAN. QazAqparat – Qazaqstanda qaǵaz ónimderiniń shyǵarylymy qarqyndy túrde artyp keledi, dep habarlaıdy QazAqparat energyprom.kz silteme jasap.
Qaǵaz ben qaǵaz ónimderiniń kólemi 2019 jyldyń qańtar-qyrkúıek aılarynda 47,6 mlrd teńgege jetip, byltyrǵy jyldyń uqsas kezeńimen salystyrǵanda 103,3 paıyzdyq kórsetkishti kórsetip otyr.
«Jalpy, 2017 jyly qaǵaz ben qaǵaz ónimderiniń óndiris kólemi 53,5 mlrd teńgeni kórsetse, byltyr 58,3 mlrd teńgege jetken. Qazaqstan boıynsha atalmysh ónimniń 27,8 paıyzdyq bóligi Almaty oblysyna (27,8 paıyz) tıesili. Qaǵaz ónimderiniń negizgi óndirýshileri – «Qazaqstan Qaǵazy» AQ pen «Qaǵaz Resaıklıng» JShS. Ekinshi orynda Almaty qalasy tur. 9 aıdyń ishindegi jalpy ónimniń 12,7 mlrd teńgesi ońtústik astanada óndirilgen. Megapolıste «Karına Treıdıng» JShS, «Kompanııa V» JShS men «Almapack Co LTD» JShS sekildi kompanııalar jumys istep tur. Jyldyń úzdik ósimi Shymkent qalasynda tirkeldi («Aqjol-2008 Ltd» JShS men «Býmprom» JShS)», - delingen habarlamada.
Qaǵaz ben qaǵaz ónimderiniń ishinen kóbinese qoraptar, jáshikter men sómkeler shyǵarylady. 9 aıdyń ishinde atalǵan ónimderden 68,3 myń tonna shyǵarylǵan. Qaǵaz ben karton shyǵarylymy ótken jyldyń uqsas kezeńimen salystyrǵanda 188,7 paıyzdyq ósimdi kórsetken.
