Elimizde kadrlardy táýelsiz sertıfıkattaý engiziledi
«Adamı kapıtal - Qazaqstan Respýblıkasyndaǵy negizgi strategııalyq jáne baǵdarlamalyq qujattardyń ortalyq paradıgmasy. Qazaqstannyń 2050 jylǵa deıingi damý strategııasy men Qazaqstan Respýblıkasynyń 2025 jylǵa deıingi Ulttyq damý jospary irgeli negiz bolyp sanalady. Onda reformalar aıasynda júrgizilip jatqan is-sharalardyń túpki maqsaty árbir naqty qazaqstandyqtyń ómirin jaqsartýǵa baǵyttalýy tıis ekendigi atap kórsetilgen. Osylaısha, Úkimettiń adamı kapıtaldy damytý jónindegi birinshi kezektegi áreketteri densaýlyq saqtaý, bilim berý jáne halyqty áleýmettik qorǵaý salasyndaǵy nátıjelerdi jaqsartýǵa baǵyttalǵan», - dep atap ótedi Úkimet basshysy jaýabynda.
Premer-Mınıstrdiń atap ótýinshe, «Deni saý ult» árbir azamat úshin sapaly jáne qoljetimdi densaýlyq saqtaý» ulttyq jobasy medıtsınalyq kómektiń qoljetimdiligi men sapasyn arttyrýǵa, onyń ishinde júkti áıelderdiń densaýlyǵyn saqtaýǵa jáne balalardyń densaýlyǵyn nyǵaıtýǵa, múmkindigi shekteýli balalardy ońaltýmen qamtýǵa, kadrlyq áleýetti nyǵaıtýǵa jáne baǵy basqalarǵa baǵyttalǵan. Bilim berý sapasyn júıeli deńgeıde qamtamasyz etý úshin Qazaqstan Respýblıkasynda Joǵary bilim men ǵylymdy damytýdyń 2023-2029 jyldarǵa arnalǵan tujyrymdamasy jáne Qazaqstan Respýblıkasynda Mektepke deıingi, orta, tehnıkalyq jáne kásiptik bilim berýdi damytýdyń 2023-2029 jyldarǵa arnalǵan tujyrymdamasy qabyldandy. «Bilimdi ult» sapaly bilim berý» jáne «Jaıly mektep» ulttyq jobalary iske asyrylýda. «Elimizdiń ekonomıkalyq damýyn kadrlyq qamtamasyz etýdi qoldaý maqsatynda 2023-2027 jyldarǵa arnalǵan Kóshi-qon saıasatynyń jańa tujyrymdamasy qabyldandy. Atalǵan tujyrymdama baǵyttarynyń biri - bilim berý ımmıgratsııasy. Onyń maqsaty - Qazaqstandy óńirlik bilim berý haby retinde pozıtsııalaý, sondaı-aq Qazaqstanǵa bilikti eńbek mıgranttaryn tartý. Memleket basshysynyń tapsyrmasy boıynsha Áleýmettik kodeks qabyldandy. Onda árbir qazaqstandyq otbasynyń ál-aýqatyn arttyrý men nyǵaıtýdyń bazalyq sharttary qalyptastyryldy», - dep atap ótedi Álıhan Smaıylov.
Úkimet basshysynyń aıtýynsha,ekonomıkany tıisti eńbek resýrstarymen qamtamasyz etý úshin sapaly jumys oryndaryn qurýdy, jumys kúshiniń daǵdylary men quzyretterin damytýdy jáne yntalandyrýdy kózdeıtin Eńbek naryǵyn damytýdyń 2024-2029 jyldarǵa arnalǵan keshendi jospary ázirlenip jatyr.
«Bul rette, ómir boıy oqytýdy damytý úshin «Kásiptik biliktilikter týraly» Qazaqstan Respýblıkasy Zańynyń jobasy aıasynda kadrlardy táýelsiz sertıfıkattaý (Qazaqstan Respýblıkasy Parlamenti Májilisiniń qaraýynda) engiziledi. Joǵaryda atalǵan qujattardy keshendi iske asyrý Qazaqstanda sapaly, básekege qabiletti adamı kapıtaldy damytýǵa baǵyttalǵan. Budan basqa, Memleket basshysynyń tapsyrmasyn iske asyrý úshin Qazaqstan Respýblıkasynyń 2050 jylǵa deıingi jańa damý strategııasynyń jobasy boıynsha jumys bastaldy. Osyǵan baılanysty, Úkimet sizdermen birlesip, atalǵan strategııalyq qujatty ázirleý barysynda salalyq baǵdarlamalyq qujattarda keıinnen dekompozıtsııalaý úshin adamı kapıtaldy damytýdyń tujyrymdamalyq baǵyttaryn ázirleýdi qaraýǵa daıyn», - dedi Premer-Mınıstr.
