Elimizde iskerlik belsendilik 51,1 kórsetkishine deıin jaqsardy
2023 jylǵy maýsym aıynda álemdik naryqtarda oń úrdister saqtaldy. PMI jahandyq kompozıttik ındeksi bes aı qatarynan neıtraldy belgi 50 pýnkten joǵary bolyp, maýsym aıynda 52,7 mánin qurady. Óndiris pen jańa tapsyrystardyń ósýi baıaýlaǵan kezde qyzmet kórsetý sektory esebinen oń iskerlik belsendilik saqtaldy. Qazaqstanda maýsym aıynda iskerlik belsendilik 51,1 kórsetkishine deıin jaqsardy. Onyń ishinde qyzmetter sektorynda – 52,2, taý-ken ónerkásibinde 50,9 boldy. Bıznestiń qazirgi jáne bolashaq jaǵdaıyn ortasha baǵalaýdy bildiretin bıznes-klımat ındeksi 16,0 mánine deıin ulǵaıdy», - dedi UB tóraǵasynyń orynbasary.
Onyń dereginshe, 2023 jyldyń basynan beri damyǵan elderdiń aktsııalary 14 paıyzǵa ósti. Al AQSh-tyń 10 jyldyq memlekettik baǵaly qaǵazdarynyń kiristiligi 3,84 paıyzǵa deıin tómendedi. Dollardyń ındeksi 0,6 paıyzǵa álsiredi.
«Damyǵan elderdegi ekonomıkalyq belsendiliktiń álsireýin kútýlerge qaramastan, makroekonomıkalyq kórsetkishter turaqty bolyp, naryqqa qatysýshylardyń boljamdarynan asyp túsýde. Degenmen, AQSh jáne Eýropa ortalyq bankteri aqsha-kredıt saıasatyna qatysty qatań rıtorıkany saqtap otyr», - dedi Vıtalıı Týtýshkın.