Elimizde ıpotekalyq nesıeleý jańa serpin aldy
«7-20-25» baǵdarlamasyn iske asyrý jalǵasýda. Onyń 10 aı ishinde iske asyrylýy kezinde 91,4 mlrd teńge somaǵa 7 894 otbasy úshin jeńildik talaptarymen ıpotekalyq qaryzdar maquldandy. Nátıjesinde, tutastaı alǵanda ıpotekalyq kredıtteý serpin aldy. 2018 jylǵy shildede iske qosylǵan sátten bastap bankterdiń ıpotekalyq portfeli 1,4 trln teńgege deıin 18,9 paıyzǵa ósti», - dedi Smolıakov Parlament Senatynyń jalpy otyrysynda.
Onyń aıtýynsha, naryqtyq qorlandyrýdyń ornyqtylyǵyn arttyrý úshin banktik praktıkaǵa alaıda syıaqy stavkasy neǵurlym joǵary jáne qorǵanysy bar jınaq depozıtteri engizildi.
«2019 jylǵy 1 mamyrdaǵy jaǵdaı boıynsha, halyqtyń jınaq depozıtteriniń kólemi 106,9 mlrd teńgeni qurady», - dedi O. Smolıakov.
Qazaqstan Ulttyq bank tóraǵasynyń orynbasary sóziniń sońynda alǵa qoıylǵan maqsattarǵa qol jetkizý úshin qajetti barlyq quraldardyń bar ekendigin atap ótti.
«Úkimetpen ózara tyǵyz is-qımyl jasaı otyryp, biz qajetti sharalardy, onyń ishinde 2019 jylǵy naýryzda Úkimet pen Ulttyq bank arasynda jasalǵan Kelisim aıasynda iske asyrýdy jalǵastyramyz. Inflıatsııany tómen deńgeıde turaqtandyrý, qorlandyrýdyń ornyqtylyǵyn arttyrý jáne bankterdi qalypqa keltirý boıynsha baǵdarlamalardy iske asyrý - ekonomıkanyń aqshamen qamtamasyz etilýine, sondaı-aq ekonomıkanyń naqty sektoryn qalypty kredıtteýdiń ósýine yqpal etetin bolady», - dedi UB tóraǵasynyń orynbasary.
