Elimizde ınsýltqa shaldyqqandar qatary «jasaryp» barady
ASTANA. QazAqparat - Elimizde jyl saıyn 40 myńnan astam adam ınsýltqa shaldyǵady, dep habarlaıdy QazAqparat Habar-24 agenttigine silteme jasap.
Buryn bul dertke kóbine 60-70 jastan asqan egde adamdar ushyrasa, búginde ol 40-50 jas aralyǵyndaǵy jandardyń arasynda jıilep barady. Aýrýdyń aldyn alý úshin durys tamaqtanyp, salaýatty ómir saltyn ustaný kerek. Sonda ǵana bul keselden arylýǵa bolady. Ulttyq neırohırýrgııa ortalyǵynyń dárigerleri osylaı dep, dabyl qaǵyp otyr. Búgin ortalyq mamandary ınsýltpen kúres kúnine oraı kelýshilerge arnap dáris oqydy. Mamandardyń aıtýynsha, álemde jylyna 33 mln asa adam ınsýlt alady. Eger adamnyń bet-álpeti qısaıyp, aıaq-qoly álsizdenip, sóıleý qabileti nasharlasa, shuǵyl túrde jedel járdem shaqyrý kerek.
«Insýlttyń emi birinshi 4 saǵattyń ishinde jasalýy tıis. Eger 4 saǵattan asyp ketse, biz ol aýrýǵa, ol patsıentke kómek bere almaımyz. Árıne, dárigerler qoldan kelgenniń bárin jasaıdy. Biraq naýqas burynǵy qalpyna kelmeıdi», - deıdi respýblıkalyq ınsýlt problemalary jónindegi koordınatsııalyq ortalyqtyń bas mamany Záýresh Ahmetjanova.
