Elimizde ınflıatsııa 4 aı qatarynan tómendep keledi
«Qazaqstanda ınflıatsııa maýsym aıynda jyldyq mánde 14,6 paıyzǵa jetip, tórt aı qatarynan tómendeýde. Maýsymdyq faktorlardyń aıqyn kórinýinen azyq-túlik ınflıatsııasynyń tutyný baǵalarynyń jalpy ósýine qosatyn úlesi azaıýda. Ulttyq bank ınflıatsııanyń osy jyldyń sońyna qaraı 11-14 paıyzǵa deıin baıaýlaýyn kútedi», - dedi ol.
Onyń atap ótýinshe, azyq-túlikke álemdik baǵanyń odan ári tómendeýi jáne saýda áriptes elderindegi ınflıatsııanyń tómendeýi ınflıatsııaǵa tejeýshi yqpal etedi. Proınflıatsııalyq táýekelder ishki faktorlar tarapynan saqtalyp otyr. Ol – ınflıatsııalyq kútýlerdiń joǵary deńgeıde ornyǵý yqtımaly, fıskaldyq yntalandyrýdyń kúsheıýi, janar-jaǵarmaı men turǵyn úı-kommýnaldyq sharýashylyǵy qyzmetteri baǵalarynyń ósýinen bolatyn barynsha kúshti janama áser etý.
«5 shildede Ulttyq bank bazalyq mólsherlemeni jyldyq 16,75 paıyz deńgeıinde saqtaý týraly sheshim qabyldady. Inflıatsııanyń baıaýlaýy bolashaqta bazalyq mólsherlemeni birtindep tómendetý úshin jaǵdaı jasaýda. Boljamdyq raýnd nátıjesin negizge ala otyryp, bazalyq mólsherleme boıynsha kelesi sheshim qabyldaý kezinde Ulttyq bank bazalyq mólsherlemeni jan-jaqty qaraý arqyly tómendetý oryndylyǵyn baǵalaıdy», - dedi Vıtalıı Týtýshkın.
