Elimizde ǵylymı-restavratsııalyq jumystar jyl saıyn josparly túrde júrgizilmek
«Tarıx jáne mádenıet eskertkishterine arxeologııalyq jáne ǵylymı-restavratsııalyq jumystardy retsiz júrgizý - aıtarlyqtaı mańyzdy másele. Búgingi tańda qoldanystaǵy zań osy baǵyttaǵy jumystardy júrgizý úshin lıtsenzııanyń bolýyn ǵana talap etedi. Sondaı-aq bul jumystar Mádenıet jáne sport mınıstrligi, Bilim jáne ǵylym mınıstrligi, jergilikti atqarýshy organdar tarapynan da qarjylandyrylady. Sonymen qatar, bıýdjetten tys qarjy tartý arqyly da júrgizile beredi. Mundaı kelispeı júrgizilgen jumystar qazba jumystarynyń baqylaýsyz qalýyna jáne restavratsııalyq jumystardyń sapasyz oryndalýyna alyp keledi. Arheologııalyq jumystardy júrgizýshi uıymdar kóp jaǵdaılarda qazǵan obektisin konservatsııalamaı, terrıtorııadan topyraq úıindilerin shyǵarmaı jatady. Bul óz kezeginde obektilerdiń tarıxı-mádenı mańyzdylyǵynyń joıylýyna ákep soqtyrady», - dedi QR Mádenıet jáne sport mınıstriniń mindetin atqarýshy Nurqısa Dáýeshov senatorlardyń aldynda.
Joǵaryda baıandalǵan jáıtterdiń negizinde mınıstrlik zań jobasy arqyly arxeologııalyq jáne ǵylymı-restavratsııalyq jumystardy jyl saıyn josparlap otyrýdy usyndy.
«Jospar ortalyq jáne jergilikti atqarýshy organdar men zańdy jáne jeke tulǵalardyń usynystary negizinde jasaqtalyp, ýákiletti organmen (MSM) bekitiledi. Sondaı-aq kórsetilgen jumystardy júzege asyrý erejesin bekitý jóninde ýákiletti organnyń quzyrettiligi qarastyrylǵan. Atalǵan barlyq quqyqtyq sharalar arxeologııalyq jáne restavratsııalyq jumystardy retke keltirýge, júıeleýge, eń bastysy qosarlap qarjylandyrýdy joıýǵa múmkindik beredi», - dedi ol.
Aıta ketsek, Nurqısa Dáýeshov Senatta «Tarıhı-mádenı mura obektilerin qorǵaý jáne paıdalaný týraly» zań jobasy men «QR keıbir zańnamalyq aktilerine tarıhı-mádenı mura boıynsha ózgerister men tolyqtyrýlar engizý týraly» zań jobasyn qorǵaǵan bolatyn.
