Elimizde geodezııalyq jáne kartografııalyq qyzmetti júzege asyrý qaǵıdattary naqtylandy
«Zań jobasynyń mindeti – Qazaqstan Respýblıkasyn dáldigi joǵary geodezııalyq koordınattar júıesimen qamtamasyz etý jáne onyń aıasynda eldiń biryńǵaı tsıfrlyq kartografııalyq negizin jasaý. Qujatta geodezııa jáne kartografııa salasyn jetildirýge baǵyttalǵan normalar eskerilgen», - dedi Májilis depýtaty Qudaıbergen Erjan.
Osy oraıda kórsetiletin qyzmetterdiń jedeldigi men sapasyn arttyrýǵa arnalǵan normalar qamtylyp otyr.
Zań jobasyn talqylaý kezinde depýtattar birqatar ózgerister men tolyqtyrýlar engizdi. Atap aıtqanda, uǵymdyq apparatty jańa anyqtamalarmen tolyqtyrýǵa, ýákiletti organnyń quzyretin naqtylaýǵa, geodezııalyq pýnkitterdiń saqtalýyn qamtamasyz etýge, geodezııalyq jáne kartografııalyq qyzmet sýbektileri men Ulttyq keńistiktik derekter qory arasyndaǵy jaýapkershiliktiń arajigin ajyratýǵa baǵyttalǵan túzetýler engizildi. Geodezııalyq jáne kartografııalyq qyzmetti júzege asyrý qaǵıdattary, memlekettik baqylaýdy júrgizý tártibi naqtylandy. Zań jobasynyń jekelegen normalaryn qoldanysqa engizý merzimderi belgilendi.
