Elimizde gemofılııamen aýyratyn adamdarǵa ortohırýrgııalyq kómek baǵdarlamasyn is júzine asyrý kezeńi bastaldy
ASTANA. Qazannyń 13-i. QazAqparat - QR Densaýlyq saqtaý mınıstrligi «Ulttyq medıtsınalyq holdıng» AQ bazasynda gemofılııamen aýyratyn adamdarǵa ortohırýrgııalyq kómek baǵdarlamasyn is júzine asyrý kezeńine kiristi.
Bul aqparatty atalǵan mınıstrliktiń baspasóz qyzmeti taratyp otyr.
Densaýlyq saqtaý mınıstrligi ótken jyldan bastap ázirleı bastaǵan bul baǵdarlama gemofılııamen aýyratyndarǵa sapaly kómekti uıymdastyrýdyń bastapqy profılaktıkalyq baǵyty bolyp tabylady. Onyń aıasynda eresekterdi qandy uıytý faktorlarymen qamtamasyz etý úshin respýblıkalyq bıýdjetten 3 mlrd. teńgege jýyq qarjy bólindi. Budan ári, daıyndyq is-sharalarynyń aýqymynda Densaýlyq saqtaý mınıstrligi gematolog, travmatolog, zerthanalyq qyzmet dárigerlerin oqytty. Skrınıngtik irikteý júrgizdi jáne aýrýlardyń tizilimin bekitip, emdeý hattamalaryn resimdedi. Reseı Medıtsına ǵylymdary akademııasy Gematologııalyq ortalyǵymen yntymaqtastyq nátıjesinde professor V.Zorenkonyń qatysýymen naýqastardyń osyndaı sanatyn jedel emdeýdiń kúrdeli joǵary tehnologııalyq ádisteri engizildi.
Ústimizdegi jylǵy qazannyń 5-inen bastap baǵdarlama aıasynda tize jáne urshyq býyndaryn endoprotezdeý boıynsha tobyq býynyna rekonstrýktıvti operatsııalar júrgizildi. Jedel emdeý «Respýblıkalyq jedel medıtsınalyq járdem ǵylymı ortalyǵy» AQ bazasynda júrgizilip, búgingi tańda 5 operatsııa jasaldy.
Gemofılııa shuǵyl emdeýdi qajet etetin, shuǵyl jaǵdaılarda (qan ketýlerde) klınıkada emdeý basym bolatyn aýrý bolyp tabylady. Qazirgi ýaqytta Qazaqstan Respýblıkasy gematologtarynda esepte 618 aýrý tur, olardyń 319-y - eresek adamdar. 120 adam býyn qýysynda jıi qan ketýlerge baılanysty tirek-qozǵalys apparaty buzylýyna shaldyqqan. Bul naýqastardyń keıbireýi ózdiginen júre almaıdy jáne múgedekter arbasy men baldaq sııaqty qosymsha quraldardy paıdalanady.
