Elimizde gazben júretin kóliktiń sany qansha
«Suıytylǵan munaı gazyn óndirý 2021 jyly 3,17 mln tonnany qurady. 2022 jylǵa arnalǵan jospar – 3,2 mln tonna. Іshki naryqta suıytylǵan munaı gazyn negizgi tutynýdyń 60 paıyzdan astamy avtokólikke tıesili. 2019 jyldan bastap suıytylǵan gazǵa aýystyrylǵan avtokólik sany 2021 jylǵa qaraı 2,2 esege ósip, 310 myńnan asty», - dedi ol mınıstrliktiń keńeıtilgen alqa otyrysynda.
Sonymen qatar ol Memleket basshysynyń tapsyrmasyn oryndaý úshin Energetıka mınıstrligi múddeli memlekettik organdarmen jáne gaz salasyndaǵy ulttyq operatormen birlesip, salany «qaıta júkteýge» baǵyttalǵan gaz salasyn damytýdyń Keshendi josparyn ázirlep jatqanyn aıtty.
«Keshendi jospardyń jobasy mynadaı is-sharalardy qamtıdy. Birinshi - Geologııalyq barlaý, sonymen qatar jumys istep turǵan jáne jańa ken oryndarynda gaz óndirýdiń jańa jobalary esebinen gazdyń resýrstyq bazasyn ulǵaıtý. Ekinshi,mınıstrlik gazǵa baǵa belgileýdiń jańa modeli boıynsha jumys júrgizýde, munda qazaqstandyq gaz resýrstarynyń shekteýliligi jáne kommertsııalyq tutynýshylardyń baǵasyn naryqtyq baǵa deńgeıine deıin kóterý eskerilýi tıis. Úshinshi, negizgi gaz tasymaldaý ınfraqurylymy negizinen Keńes zamanynda salynǵan jáne qaýipsiz paıdalanýdy qamtamasyz etý úshin úlken ınvestıtsııany qajet etedi. Gaz tasymaldaý ınfraqurylymynyń jaı-kúıine tehnıkalyq aýdıt júrgizý, sondaı-aq qarjylandyrý kózderi men ınvestıtsııalardy qaıtarý tetikterin aıqyndaý qajet. Tórtinshi, tTuraqty gazdandyrýdy jalǵastyrý úshin gazdandyrýdyń bas shemasy ózektendiriledi, gazdandyrý obektilerin ulttyq operatordyń teńgerimine berý qaǵıdalary jeńildetiledi», - dedi Bolat Aqsholaqov.
Onyń dereginshe, bul is-sharalardyń qabyldaý qabyldaý 2030 jylǵa qaraı taýarlyq gaz óndirisin 42 mlrd tekshe metrge deıin ulǵaıtýǵa; gaz ınfraqurylymynyń senimdiligin arttyrýǵa; halyqtyń áleýmettik osal toptary úshin baǵany ustap turýdy eskere otyryp, baǵa belgileýdiń qajetti modelin belgileýge; eldi gazdandyrýdy 65 paıyzǵa deıin ulǵaıtýǵa múmkindik beredi.
