Elimizde ǵalamtordy udaıy paıdalanýshylar sany 4,7 mln. adamdy quraıdy

Búgin QR Parlamenti Májilisinde ótken Úkimet saǵatynda Aqparattandyrý jáne baılanys agenttiginiń tóraǵasy Qýanyshbek Esekeev osylaı málim etti, dep habarlaıdy QazAqparat.

«Qazaqstanda ınternetti paıdalanýshylar sany, ıaǵnı ǵalamtorǵa udaıy kiretinder 4,7 mln. adamdy quraıdy. Bunymen qosa, biz ortasha eseppen alǵanda jyl saıyn bulardyń sany 20 paıyzǵa artyp otyrady dep esepteımiz. Internetti damytý salasyn alyp qarastyrsaq, tipti daǵdarys kezeńiniń ózinde ǵalamtordy paıdalanýshylar naryǵy 43 paıyzǵa artty. Meniń oıymsha, ekonomıka óziniń qarqyndy damý belgisin kórsete bastaǵan kezden bastap, ınternetti paıdalanýshylar sany birden 70 paıyzǵa deıin kóteriledi», dedi Q.Esekeev.

Tóraǵanyń aıtýynsha, 2010 jyly Halyqaralyq aqparattyq tehnologııalar ýnıversıtetin damytý jolymen qazaqstandyq aqparattyq-kommýnıkatsııalyq tehnologııa salasynyń uzaq merzimdi básekege qabilettiligin qamtamasyz etý boıynsha jumystar jalǵasady. Bul rette Agenttik «Zerde» Ulttyq holdıngimen birigip aqparattyq jáne kommýnıkatsııayq tehnologııalar salasynda úsh aımaqtyq kolledj ashýdy josparlap otyr.