Elimizde fılmder monıtorınginiń biryńǵaı aqparattyq júıesi daıyndaldy

ASTANA. QazAqparat – Jyl sońyna deıin Qazaqstan aýmaǵynda fılmderdi júıege keltirýge arnalǵan aqparattyq júıe iske qosylady, dep habarlaıdy QazAqparat tilshisi.

«Qazirgi kezde Qazaqstan Respýblıkasynyń aýmaǵynda fılmderdi júıege keltirý jáne esepke alý maqsatynda ýákiletti organ Fılmder monıtorınginiń biryńǵaı avtomattandyrylǵan aqparattyq júıesin daıyndady. Ol pılot rejımde iske qosyldy. Jyl sońyna deıin Aqparattyq júıeni tolyq engizý josparlanǵan», - delingen Mádenıet jáne sport mınıstrliginiń «QazAqparat» agenttigine bergen jaýabynda.

Atap aıtqanda, bıyl Ulttyq quryltaıda Prezıdent Qasym-Jomart Toqaev otandyq kınonyń damýyna jańasha kózqaras, tyń serpin kerek ekenin aıtty. Bul turǵyda kınoǵa barǵan kórermen sanyn esepteıtin tsıfrlyq júıe engizýdi tapsyrdy.

Memleket basshysy quny men mazmuny arzan fılmder shyǵyp jatqanyn synǵa alǵan edi.