Elimizde farmatsevtıka salasynda 97 óndirýshi jumys istep jatyr

ASTANA. QazAqparat – Farmatsevtıka salasynda otandyq taýar óndirýshiler úlesi 162,6 mlrd teńgeni qurap otyr. Bul týraly QR Densaýlyq saqtaý vıtse-mınıstri Jandos Búrkitbaev aıtty, dep habarlaıdy QazAqparat tilshisi.

«Búgingi tańda elimizde farmatsevtıka salasynda 97 óndirýshi jumys istep jatyr. Onyń 34-i - dárilik zattar shyǵarýmen aınalyssa, 41-i medıtsınalyq maqsattaǵy zattardy, 22-si medıtsınalyq tehnıka jasaýdy meńgergen», - dedi J. Búrkitbaev Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, elimizdegi farmatsevtıka salasy aqshalaı ekvıvalentte 863 mlrd teńgeni qurap otyr. Sonyń arasynda otandyq taýar óndirýshiler úlesi 162,6 mlrd teńgeni qurady.

«2022 jyly jergilikti farmatsevtıkalyq naryqtaǵy otandyq óndiristiń úlesi 19 paıyzdy, ımporttyq ónim 81 paıyzdy qurady», - dedi vıtse-mınıstr.

Aıta keteıik, 2021 jylǵy Joldaýynda Memleket basshysy Qasym-Jomart Toqaev farmatsevtıka ónerkásibine erekshe kóńil bólýdi tapsyrdy.

«Bizdegi dári-dármek pen medıtsınalyq qural-jabdyqtyń 17 paıyzy ǵana – otandyq ónim. 2025 jyly ony 50 paıyzǵa jetkizý qajet», - dedi Prezıdent.