Elimizde Eýro-3 standartyn engizý 2011 jylǵy 1 shildeden bastap júzege asyrylady - KKM
ASTANA. 16 mamyr. QazAqparat - Qazaqstan Respýblıkasy Úkimetiniń 2007 jylǵy 29 jeltoqsandaǵy № 1372 qaýlysymen bekitilgen «Qazaqstan Respýblıkasynyń aýmaǵynda aınalymǵa shyǵarylatyn avtokólik quraldarynyń
zııandy (lastaýshy) zattar shyǵaryndylaryna qoıylatyn talaptar» tehnıkalyq reglamentine sáıkes respýblıka aýmaǵynda 2011 jylǵy 1 shildeden bastap 3-ekologııalyq kezeńge (Eýro-3) sáıkes zııandy zattar shyǵaryndylary boıynsha avtokólik quraldaryna qoıylatyn talaptar engiziledi. Osy kúnnen bastap qoıylǵan talaptarǵa sáıkes kelmeıtin avtokólik quraldaryn ákelýge jáne óndirýge tyıym salynatyn bolady, dep habarlady QR Kólik jáne mınıstrliginiń baspasóz qyzmeti.
Bul rette Qazaqstan Respýblıkasynyń aýmaǵynda qazirdiń ózinde paıdalanylyp júrgen avtomobılder 3-ekologııalyq kezeńniń talaptaryna kirmeıdi, sondyqtan tolyq isten shyqqanǵa deıin paıdalanylatyn bolady.
Qazaqstan Respýblıkasy aýmaǵynda aınalymǵa shyǵarylatyn avtokólik quraldarynyń sáıkestigin rastaý Qazaqstan Respýblıkasynyń aýmaǵynda aınalymǵa shyǵarylatyn avtokólik quraldarynyń zııandy (lastaýshy) zattar shyǵaryndylaryna qoıylatyn talaptar týraly tehnıkalyq reglamentterge (2007 jylǵy 29 jeltoqsandaǵy №1372) jáne avtokólik quraldarynyń qaýipsizdigine qoıylatyn talaptarǵa (2008 jylǵy 9 shildedegi №675) sáıkes júzege asyrylady.
Avtomobılderdiń mynalarǵa sáıkestigin rastaý:
1) buryn paıdalanýda bolǵandar, 3-ekologııalyq kezeńniń talaptaryna tómende kórsetilgen kesteni, jyldar jáne shyǵarǵan eli boıynsha eskere otyryp;
2) tómende kórsetilgen kestede joq bolǵandar týraly aqparat, synaq nátıjeleri negizinde júzege asyrylady.
Avtokólik quraldarynyń jáne qozǵaltqyshtarynyń, olardyń shyǵarylǵan jyldaryna baılanysty, 3-ekologııalyq kezeńniń talaptaryna sáıkestik kestesi
|
Avtomobıl jáne/nemese oǵan arnalǵan qozǵaltqyshty shyǵarǵan el |
3-ekologııalyq kezeniniń talaptaryna sáıkes keletin kólik quraldarynyń shyǵarylǵan jyldary |
|
Eýropalyq odaqqa * kiretin, janarmaı qozǵaltqyshtary |
2001 jyldan bastap jáne odan keıin |
|
Eýropalyq odaqqa kiretin *, dızelder |
2002 jyldan bastap jáne odan keıin |
|
AQSh |
2001 jyldan bastap jáne odan keıin |
|
Japon |
2005 jyldan bastap jáne odan keıin |
|
Kanada |
2004 jyldan bastap jáne odan keıin |
|
Úndistan |
2010 jyldan bastap jáne odan keıin |
|
Qytaı |
2008 jyldan bastap jáne odan keıin |
|
Koreıa |
2003 jyldan bastap jáne odan keıin |
|
Reseı |
2008 jyldan bastap jáne odan keıin |
|
Ýkraına |
2010 jylǵy 1 shildeden bastap jáne odan keıingi |
|
Belarýs |
2008 jyldan bastap jáne odan keıin |
|
Ózbekstan |
2010 jyldan bastap jáne odan keıin |
|
Eskertpe: *Eýropalyq odaqqa mynalar kiredi: Avstrııa, Belgııa, Ulybrıtanııa, Vengrııa, Germanııa, Grekııa, Danııa, Irlandııa, Ispanııa, Italııa, Kıpr, Latvııa, Lıtva, Lıýksembýrg, Malta, Nıderlandy, Polsha, Portýgalııa, Slovakııa, Slovenııa, Fınlıandııa, Frantsııa, Chehııa, Shvetsııa jáne Estonııa. |
|
