Elimizde etpen qamtamasyz etý deńgeıi qandaı
«2019 jyly et óndirý kólemi (soıys salmaǵynda) 5,8 paıyzǵa ulǵaıyp, 1,1 mln tonnany qurady. Et óndirisiniń ulǵaıýy aýyl sharýashylyǵy janýarlary sanynyń ósýine baılanysty boldy. Sońǵy 5 jylda iri qara mal basy 23,3 paıyzǵa ósip, 7,4 mln basty qurady, usaq mal 6,6 paıyzǵa artyp, 19,1 mln basty, jylqy 45,8 paıyzǵa artyp, 2,8 mln basty qurady», - dedi mınıstri Parlament Májilisindegi Úkimet saǵatynda.
Onyń sózine qaraǵanda, salanyń qurylymy da ózgerýde. 2014 jyly uıymdastyrylǵan sharýashylyqtardaǵy iri qara mal basynyń úlesi 35,1 paıyz bolsa, qazir 44,9 paıyzdy qurady.
«Jalpy, et boıynsha qamtamasyz etý kólemi 85 paıyzdy qurady. Bul rette «qyzyl et» (sıyr eti, qoı eti, jylqy eti jáne shoshqa eti) boıynsha ımport úlesi jalpy tutyný kóleminiń 5%-ynan aspaıdy. Óńdeýge tek muzdatylǵan et ǵana ákelinedi.
Qus eti buǵan kirmeıdi, ol boıynsha ishki tutynýdaǵy ımport úlesi 44,7%-dy quraıdy. Atap aıtqanda, FAO (BUU-nyń Azyq-túlik jáne aýyl sharýashylyǵy uıymy) synyptamasy boıynsha tutynym 80 paıyzǵa otandyq óndiris esebinen qamtamasyz etilgen jaǵdaıda ǵana azyq-túlik qaýipsizdigi qamtamasyz etiledi», - dedi Saparhan Omarov.