Elimizde etnojýrnalıster men etnosaıasattanýshylar qaıda daıarlanady
«Bizdiń oıymyzsha, «Etnosaıasat», «Etnojýrnalıstıka» mamandyqtary boıynsha magıstratýra negizinde daıarlaý elimizdegi etnosaralyq protsesterdi basqarý júıesin bilikti kadrlarmen jáne etnosaralyq taqyrypty jarııa etýge mamandanǵan kásibı jýrnalısterdiń jańa legin qamtamasyz etýge múmkindik beredi. Osyǵan baılanysty, elimizdegi yqtımal qolaısyz jaǵdaılardyń aldyn alý maqsatynda sizden Bilim jáne ǵylym mınıstrligine saıasattanýshylar men jýrnalısterdi oqytatyn joǵary oqý oryndarymen, Aqparat jáne qoǵamdyq damý mınıstrligimen birlesip, 2022-2023 oqý jylynan bastap osy sanattaǵy mamandardy daıarlaýdy pysyqtaýdy tapsyrýdy ótinemiz», - dep saýal joldady QR Parlamenti Májilisine Qazaqstan halqy Assambleıasynan saılanǵan depýtattar.
«Elimizde saıasattanýshylar, psıhologtar jáne jýrnalıster jetkilikti kólemde daıarlanady. 2018 jyldan beri «Saıasattaný», «Psıhologııa», «Jýrnalıstıka jáne reporter isi» mamandyqtary boıynsha 3429 bilim berý granttary bólindi, onyń ishinde 2021 − 2022 oqý jylyna 933 grant (bakalavrıat – 589, magıstratýra – 290, doktorantýra – 54) qarastyryldy», - dedi Eraly Toǵjanov depýtattyq saýalǵa bergen jaýabynda .
Onyń aıtýynsha, 2018 jyly joǵary oqý oryndaryna akademııalyq derbestik berildi. Joǵary oqý oryndary halyqaralyq talaptardy, zamanaýı úrdisterdi, eńbek naryǵynyń qajettilikterin eskere otyryp, memlekettik standarttarǵa sáıkes bilim berý baǵdarlamalaryn óz deńgeıinde bekitedi.
«ıAǵnı, etnojýrnalıst jáne etnosaıasattanýshylardy daıarlaý máselesi áleýetti jumys berýshiler men joǵary oqý oryndarynyń deńgeıinde sheshiledi. QR Aqparat jáne qoǵamdyq damý mınıstrligi etnosaralyq qatynastar taqyrybyn jetik meńgergen mamandardy daıarlaý múmkindigin joǵary oqý oryndarymen birlesip zerdelep jatyr. Bul rette 12 joǵary oqý oryndaryna «Etnojýrnalıstıka» mamandyǵy boıynsha magıstratýra baǵdarlamasyn engizý jónindegi usynys joldandy», - deıdi E. Toǵjanov.
Búgingi kúni mundaı mamandyqty ashýǵa Q.A. ıAsaýı atyndaǵy Halyqaralyq qazaq-túrik ýnıversıteti qyzyǵýshylyq bildirip otyr.
«Atalǵan ýnıversıtet tıisti bilim berý baǵdarlamasynyń jobasyn jasady. Osy oraıda Aqparat mınıstrligine «Etnojýrnalıstıka» jáne «Etnosaıasat» mamandyqtary boıynsha naqty qajettilikti anyqtap, QR Bilim jáne ǵylym mınıstrligimen, joǵary oqý oryndarymen birge osyndaı kadrlardy daıarlaý máselesin pysyqtaý tapsyryldy. Másele jan-jaqty qarastyrylǵannan keıin Aqparat mınıstrligi qorytyndy aqparatty QR Parlamenti Májilisine joldaıdy. Jalpy etnosaralyq qatynastar máseleleri únemi Úkimettiń baqylaýynda ekenin atap ótemin», - dedi Eraly Toǵjanov.
