Elimizde esirtki tasymalynyń iri arnasy joıyldy - ІІM
ASTANA. QazAqparat - Qazaqstanda esirtki tasymalynyń iri arnasy joıyldy. Bul týraly QR ІІM Memlekettik til jáne aqparat departamentiniń dırektory Almas Sadýbaev aıtty, dep habarlaıdy QazAqparat.
«Keshe Ońtústik Qazaqstan oblystyq ІІD esirtki bıznesimen kúres basqarmasy arnaıy bólimshesiniń qyzmetkerleriniń jedel áreketi barysynda Shymkent qalasynyń turǵyny ustalyp, esirtki satýshydan 1 keli geroın tárkilendi», - dedi ol.
Onyń atap ótýinshe, dál osyndaı operatsııany elordalyq polıtsııa qyzmetkerleri de sátti júzege asyrǵan.
«Saıajaı qoǵamdastyǵy aýmaǵynan Astana qalasynyń turǵyny ustaldy. Odan 7 keli gashısh alyndy. Atalǵan operatsııalaryń nátıjesinde esirtki zattaryn jetkizý jáne taratý arnasynyń búkil tizbegi áshkere boldy», - dedi Almas Sadýbaev.
