Elimizde eriktiler qozǵalysyn qoldaıtyn memlekettik baǵdarlama ázirlenbek
Bul pikirdi búgin elordada ótken dóńgelek ústel barysynda Ulttyq eriktiler jelisiniń basshysy Vera Kım bildirdi.
Onyń atap ótýinshe, qazirgi ýaqytta elimizde eriktiler qozǵalysynyń jumysyn reglamentteıtin quqyqtyq norma joq. Bul oraıda, olardyń áleýmettik mańyzyn eskere otyryp eriktiler qyzmeti týraly jeke zań jobasyn ázirleý óte durys bolmaq.
«Degenmen, biz bastapqyda óńirlerde, oblystarda dál osy eriktiler qyzmetin qoldaıtyn baǵdarlama ázirlegimiz keledi. Biz QR Bilim jáne ǵylym mınıstrligi janyndaǵy Jastar saıasaty departamentinde Qazaqstandaǵy eriktiler qozǵalysynyń jumysyn reglamentteıtin úshjyldyq baǵdarlamanyń bolýyna kúsh salamyz», - deıdi ol.
Aıta keteıik, ulttyq eriktiler jelisi Qazaqstan Azamattyq alıansynyń, BUU Eriktiler baǵdarlamasynyń jáne QR eriktiler uıymynyń birlesken baǵdarlamasy. Qazirgi tańda qazaqstandyq eriktiler qart adamdarǵa, az qamtylǵan otbasylarǵa, jetimderge, múmkindigi shekteýli jandarǵa qolushyn berýmen aınalysady.
