Elimizde er adamdardyń 15 paıyzy belsizdikten zardap shegýde
ASTANA. QazAqparatt - Elimizdegi er azamattardyń densaýlyǵy dabyl qaǵarlyq jaǵdaıda. Almatyda akademık Jarbosynov atyndaǵy ýrologııa ǵylymı ortalyǵy mamandarynyń júrgizgen zertteýleri Qazaqstan boıynsha er azamattardyń 15 paıyzy belsizdekten zardap shegetini anyqtalǵan, dep jazady Habar 24.
Ortalyqta ótken alqaly jıynda osy másele qaraldy. Dárigerler tekserýge alǵan 25 myń er azamattyń jartysynan kóbinde prostatıt, varıkotsele, qýyq asty beziniń isigi anyqtalǵan. «Aýrýdyń asqynyp ketýine, erlerdiń kóbine eren sanamaıtyny sebep»,- deıdi dárigerler.
Máselen, er azamattardyń 20 paıyzy ǵana aýrýdyń aldyn alýǵa mán beretin bolsa, 80 paıyzy aýrýdan aıyǵý úshin dárigerlerdiń kómegine júginedi eken.
«Shanshý ustaǵansha ábden júrdim de, sosyn shanyshqan kezde amalsyz osy jaqqa keldim ǵoı. Tastardy ýatyp, bezdi osy jerde elimizdegi jaqsy apparattarmen operatsııamen aldy. Qazirgi jaǵdaıym jaman emes»,- deıdi emdelýshi Amangeldi Baısúleev,
Búginde ǵylymı ortalyqtyń bastamasymen «Er adam densaýlyǵy» baǵdarlamasy qolǵa alynyp, endokrınolog, kardıolog, psıholog mamandar jumyla jumys istep jatyr.
«Balalardy jas kezinen qaraý kerek. Biz 600 balany Qazaqstan boıynsha qarap shyqtyq. Sonda 89 paıyzy aýrý. Týa bitken aýrýlar bar ekenin kórdik. Ósken kezde jaqsy bolý úshin jas kezinen bala kezinen qaraý kerek. «Erler densaýlyǵy jáne otbasylyq uzaq ómir» ortalyqtary elimizdiń barlyq óńirlerinde jumys isteıdi. Al 2018 jyldan bastap, atalǵan ortalyqtarǵa memleket tarapynan qarjy bólinbek», - deıdi B.Jarbosynov atyndaǵy ýrologııa ǴO basqarma basshysy Myrzakárim Alshynbaev.
