Elimizde energııa tasymaldaıtyn jelilerdi jańartpaıynsha, energııa tarıfiniń baǵasy óse beredi - N.Aldabergenov
ASTANA. 15 jeltoqsan. QazAqparat /Aıdar Ospanalıev/ - Elimizde energııa tasymaldaıtyn jelilerdi jańartpaıynsha energııa tarıfiniń baǵasy óse beredi. Bul týraly búgin Bnews.kz portaly arqyly ótken onlaın konferentsııa barysynda Tabıǵı monopolııalardy retteý agenttiginiń tóraǵasy Nurlan Aldabergenov málim etti.
Konferentsııa barysynda Agenttik tóraǵasyna ınternet-portaldyń oqyrmandarynyń biri "elektr jelisinde jáne ózge de qurylǵylarda elektr energııasy tasymaldanatyn kezde bolatyn normatıvti shyǵyndar degen máseleniń ne ekendigin" túsindirip berýdi surady.
Agenttik tóraǵasynyń sózine qaraǵanda, sonaý 1987 jyldyń ózinde elektr energııasynyń jelide bolatyn shyǵyny 12 paıyzdy quraıtyn. Al 2006 jyly bul kórsetkish 22 paıyzǵa jetti. Sondaı-aq jylý boıynsha shyǵyn 1987 jyly 16 paıyz bolsa, 2006 jyly 26 paıyzdy, sý energııasy boıynsha 1987 jylǵy 17 paıyzdan 32 paıyzǵa jetti. «Bul degenińiz shyǵyn kórsetkishi kóbeıgen ýaqyt aralyǵynda energııa jelisi men qajetti qurylǵylardy jóndeý jumystary kúrt tómendedi. ıAǵnı energııa kesheninen jańǵyrtýǵa qatysty jumystar álsiz júrgizildi degendi bildiredi. Eń qıyny bul úderis energııa tarıfterine áser etti. Sondyqtan bul másele sheshilmeıinshe nemese energııa qurylǵylary jańartylmaıynsha, tarıf baǵalary óse beredi. Bizdiń búgingi tańda qolǵa alyp otyrǵan negizgi máselelerdiń biri de osy normatıvti shyǵyndardy azaıtýǵa baılanysty», - dedi agenttik tóraǵasy.
Onyń aıtýynsha, osydan úsh jyl buryn atalmysh máselege qatysty zań jobasy qabyldanyp, depýtattar normatıvti shyǵyndardy qysqartýdy qoldady. «Qazir bul baǵytta tıisti jumystar júrgizilýde jáne znergııa shyǵynyn qysqartý sharalaryn jiti baqylap otyrmyz. Bul maqsatqa 3,3 mıllıard teńge bólingen. Eger biz bul qarjyny tıisti maqsatyna shyǵyndamaǵanda osynshama mólsherdegi qarjyny tóleý energııany tutynýshylardyń moıyndaryna túsetin edi», - dedi N.Aldabergenov.
