Elimizde eńbekpen qamtylǵandar sany 8,6 mln. adam

ASTANA. 14 naýryz. QazAqparat - Respýblıka ekonomıkasynda 2012 jylǵy aqpandaǵy jaıdaı boıynsha  8,6 mln. adam jumys istep júr.

QR Statıstıka agenttiginiń málimetinshe, ótken jylǵy sáıkes kezeńge qaraǵanda olardyń sany 416,1 myń adamǵa nemese 5,1 paıyzǵa kóbeıdi. Jaldamaly qyzmetkerlerdiń sany atalǵan kezeńde 5,8 mln. adamdy (jumyspen qamtylǵandardyń jalpy sanynan 67,6 paıyzdy) qurady.

2012 jylǵy aqpanda jumyssyzdar sany baǵalaý boıynsha,  500,2 myń adamdy, sondaı-aq jumyssyzdyq deńgeıi 5,5 paıyzdy qurady. Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2012 jylǵy aqpan aıynyń sońyna 57,6 myń adam («Jumyspen qamtý baǵdarlamasy-2020» qatysatyndar quramyna engizilgen azamattardy eseptemegende) resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,6 paıyzyn qurady (2011 jylǵy aqpanda - 0,6 paıyz).