Elimizde Eńbek ulttyq jobasy ázirlenip jatyr
«Mınıstrlik Qazaqstan Respýblıkasy Ulttyq damý josparynyń birinshi jalpyulttyq basymdyǵy - ádil áleýmettik saıasatynyń negizgi ulttyq ındıkatorlaryna, sondaı-aq Eńbek naryǵyn damytý tujyrymdamasynyń mindetterine qol jetkizý úshin qazirgi tańda Eńbek ulttyq jobasyn ázirlep jatyr. Basty mindetterdiń biri – eńbek resýrstarynyń daǵdylaryn damytý, oqytý. Eńbek resýrstarynyń daǵdylaryn damytý, oqytý 4 jobany qamtıdy. Atap aıtqanda, jumys berýshilerdiń qalaýy boıynsha suranysqa ıe mamandyqtarǵa oqytý; tálimgerlikpen birge jáne jalaqyny sýbsıdııalaý arqyly jumys ornyna oqytý; elektrondy eńbek bırjasynda jáne óńiraralyq oqý ortalyqtarynda onlaın oqytý kýrstaryn uıymdastyrý; jetekshi ІT-ortalyqtaryn tarta otyryp, bolashaqtyń ІT-mamandyqtaryn daıyndaý. Byltyr ekonomıkamyzǵa ІT-mamandarynyń asa qajet ekendigin kórsetip berdi», - dedi vıtse-mınıstr Májiliste jumyskerlerdi qaıta oqytý jáne olardyń daǵdylaryn turaqty jetildirý jónindegi jańa tásilderge arnalǵan dóńgelek ústel otyrysy barysynda.
Onyń atap ótýinshe, aldaǵy 5 jylda 210 myń adamdy oqýmen qamtý jáe olardyń jumysqa ornalasý kórsetkishin 80 paıyzǵa deıin jetkizý josparlanyp otyr.
«Osylaısha, mınıstrlik múddeli organdarmen birlesip, bilim jáne daǵdylar alý tetikterin jetildirý boıynsha júıeli jumys istep jatyr», - dedi Erjan Birjanov.
