Elimizde eń úlken jalaqyny kim alatyny anyqtaldy
ASTANA. 19 jeltoqsan. QazAqparat - 2013 jylǵy qarashada bir qyzmetkerdiń ortasha aılyq ataýly jalaqysy 107 317 teńgeni qurady. Ataýly jalaqy ındeksi 2012 jylǵy qarashaǵa 106,4%, al naqty jalaqy ındeksi 101,6% jetti. Bul týraly QR Statıstıka agenttigi habarlady.
Salalyq qurylymda eń úlken jalaqy kásibı, ǵylymı jáne tehnıkalyq qyzmette - 212,8 myń teńge (ortasha respýblıkalyq deńgeıden 2,0 esege asady), ken óndirý ónerkásibi men karerlerdi qazýda - 200,6 myń teńge jáne qarjy jáne saqtandyrý qyzmetinde - 199,2 myń teńge (1,9 ese) kóleminde belgilendi. Eń tómengi jalaqy aýyl, orman jáne balyq sharýashylyǵy qyzmetkerlerinde belgilendi - 62,5 myń teńge, bul el boıynsha orta kórsetkishten 41,8%-ǵa tómen.
Óńirlik bóliniste eń joǵarǵy jalaqy Atyraý oblysynda tirkeldi - 186,2 myń teńge, bul ortasha respýblıkalyq kórsetkishten 1,7 esege asady. Soltústik Qazaqstan oblysynda munyń shamasy 73,5 myń teńgeni qurady, bul el boıynsha ortasha deńgeıden 31,6%-ǵa tómen.
