Elimizde eń tómen kúnkóris deńgeıi joǵarylady

NUR-SULTAN. QazAqparat - Qazaqstanda 2019 jylǵy naýryzda eń tómen kúnkóris deńgeıiniń shamasy 27 405 teńgeni qurady. Bul týraly QR UEM Statıstıka komıtetinen málim boldy, dep habarlaıdy QazAqparat.

«Negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy eń tómen kúnkóris deńgeıiniń shamasy 2019 jylǵy naýryzda 2018 jylǵy jeltoqsanmen salystyrǵanda 3,6 paıyzǵa joǵarylady», - delingen komıtet málimetinde.

Belgili bolǵandaı, onyń qurylymynda et pen balyqty satyp alýǵa jumsalǵan shyǵystardyń úlesi 20,3 paıyzdy qurady, al sút, toń maı ónimderi men jumyrtqaǵa - 16,2 paıyzy, jemister men kókónisterge 8,7 paıyz deńgeıinde jumsaldy. Sondaı-aq nan jáne jarma ónimderine shyǵystar 7,6 paıyzdy, qant, shaı jáne dámdeýishterge jumsalǵan qarjy 2,2 paıyzdy qurady.