Elimizde eń kóp taraǵan famılııa ıesi - Ahmetovter
ASTANA. QazAqparat - Ádilet mınıstrligi Qazaqstandaǵy eń kóp taraǵan famılııalardyń tizimin usyndy. Birinshi orynda Ahmetovter tur. Bir qyzyǵy, eń tanymal tórttikke Kım famılııasy kirip otyr. Olardyń búgingi sany 37 myńnan asatyn kórinedi, dep jazady «Aıqyn» gazeti.
Sonymen, Qazaqstanda eń kóp taraǵan famılııa - Ahmetov eken. Elimiz boıynsha 73 myńnan astam adamnyń tegi - Ahmetov. Ekinshi orynda Ospanov famılııasy. Ospanovtardyń sany elimizde 49 myńnan asady. Al úshinshi orynda Omarovtar. Qazaqstanda olardyń sany 45 myńnan asady.
Keń taraǵan famılııalardyń bestigin Ivanovtar támamdaıdy. 39 myń adam osy famılııany ıemdengen. Sondaı-aq, tizim boıynsha aldyńǵy ondyqtyń ishine, Álıev, Súleımenov, Ysqaqov, Abdrahmanov, Kalıev sııaqty famılııalar engen.
