Elimizde emhanaǵa tirkeý naýqany bastaldy
15 qyrkúıekten bastap Qazaqstanda emhanaǵa tirkeý naýqany bastaldy. Almaty qalalyq qoǵamdyq densaýlyq saqtaý basqarmasynyń emdeý-profılaktıkalyq qyzmet jáne monıtorıng, taldaý, tsıfrlandyrý jáne memlekettik qyzmetter bóliminiń basshysy Láılá Imanǵalıeva 15 qarashaǵa deıin almatylyqtar qalaı jáne qaıda tirkelýine bolatynyn túsindirdi, dep habarlaıdy QazAqparat tilshisi.
Spıker óńirlik kommýnıkatsııalar qyzmetiniń brıfınginde málim etkenindeı, Almatyda 76 alǵashqy medıtsınalyq-sanıtarlyq kómek uıymy jumys isteıdi, onyń 40-y memlekettik jáne 36-sy jekemenshik. Olardyń barlyǵy tegin medıtsınalyq kómektiń kepildi kólemi sheńberinde jáne mindetti áleýmettik medıtsınalyq saqtandyrý aıasynda qyzmet kórsetedi.
Eki ádispen tirkelýge bolady: birinshi ádis - alǵashqy medıtsınalyq-sanıtarlyq kómek uıymyna tikeleı habarlasý, ekinshi ádis – «Elektrondyq úkimettiń» veb-portaly arqyly.
«Aıta ketý kerek, patsıentterge jylyna bir retke deıin erkin tańdaý quqyǵy boıynsha naýqannan tys emhanaǵa tirkelý múmkindigi beriledi. Sondaı-aq, jumys nemese oqý orny kóshken jáne aýysqan jaǵdaılarda, sondaı-aq medıtsınalyq mekeme taratylǵan nemese qaıta uıymdastyrylǵan kezde»,- deıdi Láılá Imanǵalıeva.
Jeke tulǵalardy MSAK uıymdaryna bekitý MSAK kórsetý úshin negiz bolyp tabylady jáne qaǵıdattarda júzege asyrylady:
- otbasylyq qyzmet kórsetý prıntsıpi;
- MSAK aýmaqtyq qoljetimdiligi;
- MSAK aýmaqtyq qoljetimdiligi sheginde medıtsınalyq uıymdy erkin tańdaý;
- patsıenttiń medıtsınalyq kómektiń sapasyna qanaǵattanýy;
- menshik nysanyna jáne vedomstvolyq baǵynystylyǵyna qaramastan teń quqyly jáne adal básekelestik.
Eńbek mıgranttaryn tirkeýge keletin bolsaq, Іshki ister organdary beretin ýaqytsha turýǵa ruqsat qujat qajet.
«Bul qujatta sheteldiktiń bolý merzimi kórsetiledi, dál osy merzimge medıtsınalyq uıym eńbek mıgranttaryn bekitedi. Tirkeýge suraý salý durys jasalǵan kezde kórsetilgen merzim ótkennen keıin sheteldik uıymnan avtomatty túrde tirkeýden shyǵarylady», - dep túsindirdi maman.
Buǵan deıin sheteldik eńbek mıgranttaryn emhanaǵa tirkeý tártibi ózgergeni týraly jazǵan bolatyn.
