Elimizde elektromobılder sany úsh ese artty

ASTANA. QazAqparat – Іshki ister mınıstrliginiń statıstıkasyna sáıkes, ótken jylǵy naýryzdan bıyl naýryz aıy aralyǵynda elimizde elektromobılder sany aıtarlyqtaı ósken. ıAǵnı 631-den 1,9 myńǵa deıin artqan. Ásirese, mundaı kórsetkish ótken jyly jeltoqsanda baıqaldy. Bir aıdyń ishinde 521 elektromobıl tirkelgen. Sondaı-aq, bıyl qańtar-naýryz aılarynda jańa elektrokarlardyń satylymy aıtarlyqtaı artqan, dep habarlaıdy QazAqparat tilshisi Energyprom.kz resýrsyna silteme jasap.

Bul – sońǵy on jyldaǵy elektromobılder sanyndaǵy alǵashqy mańyzdy ózgeris. Ulttyq statıstıka bıýrosy elektr kóligi boıynsha derekterdi 2012 jyldan bastap jarııalap keledi. Elektr kólikteriniń rekordtyq sany (785 elektr kóligi) buǵan deıin 2016 jyldyń 1 qańtarynda tirkeldi.

Alaıda, elektromobılder sanynyń artqanyna qaramastan, otandyq avtoparkterdegi olardyń úlesi óte az. Eger ótken jyldyń naýryz aıynda elektr kólikteriniń úles salmaǵy 0,01% bolsa, bıyl 1 sáýirde ol 0,04%-ǵa ǵana ósti.

1,9 myń «jasyl» kóliktiń 1,6 myńy jeńil avtomobılder. Olardyń úlesi 84%-dan asady. Al elektr qozǵaltqyshtary bar júk kólikteri (8,8%) men avtobýstar (6,9%) áldeqaıda az. Qoǵamdyq kólikterdiń negizgi bóligin, statıstıkalyq esepterge sáıkes, ótken jyldyń jeltoqsanynda ǵana satyp ala bastady. ıAǵnı 109 elektrobýs tirkeldi, al bıyl naýryzdyń sońyna qaraı olardyń sany 134-ke jetti.

Elektrobýs qalalyq qoǵamdyq kólikteri kóbine Astana (67) men Almatyda (32) baıqalady. Astana ákimdigi baspasóz qyzmetiniń málimetinshe, ótken jyly megapolıstegi qalalyq marshrýttarǵa elektr qozǵaltqyshy bar 115 avtobýs shyǵaryldy. 2023 jyldyń sońyna deıin Astananyń elektr avtobýstar parki 300-ge deıin artady.

1,2 myń nemese 63,9% batareıaly avtomobılder Almatyda tirkelgen. Buǵan birneshe faktor áser etken. Sonyń biri – qalada mıllıoner-kásipkerlerdiń joǵary kontsentratsııasy.