Elimizde elektr energııasyn óndirýde ıntellektýaldy tehnologııalar engiziledi
Tsıfrly tehnologııalardy engizý aıasyndaǵy júıeli jumysty jalǵastyra otyryp, «KEGOC» AQ «Qazaqstannyń birtutas elektr energetıkalyq júıesi rejımderin basqarýdy avtomattandyrý» jobasyn iske asyrýǵa kiristi.
«Qazirgi tańda Soltústik-Ońtústik turaqty tok jelisin salý múmkindigin qarastyrýdamyz. Bul tek Qazaqstanda ǵana emes, sonymen birge postkeńestik keńistik boıynsha alǵash qolǵa alynyp otyrǵan joba. Jańa elektr energııasyn óndirý jelisi óz kezeginde dástúrli jelilermen salystyrǵanda toq jelisi qýattylyǵyn 4-5 esege artyq jetkizýge múmkindik beredi, sonymen qatar ıntellektýaldy tehnologııasy uzaq qashyqtyqtan elektr energııasynyń jetkizilýin basqarýdy qamtamasyz etedi», - dedi «KEGOG» AQ-nyń basqarma tóraǵasy Baqytjan Qajıev.
Sonymen qatar «KEGOG» kompanııasynyń basshysynyń aıtýynsha búginde Qazaqstan boıynsha jumys istep turǵan jaryq energııasyn taratýshy kompanııalardyń elektr stantsııalarynyń belgilengen qýatynyń jıyntyq kólemi 428 MVt-ty quraıdy, olardyń arasynda «Býrnye Solıar 1,2» JShS (Jambyl oblysy, jıyntyq qýaty 100 MVt), «Tuńǵysh jel elektr stantsııasy» JShS (Aqmola oblysy, qýaty 45 MVt) sııaqty iri elektr stantsııalary bar.
«Búgingi tańdaǵy kompanııa aldyndaǵy taǵy bir mańyzdy sharýalardyń biri ol jaryq energııasyn taratýshy kompanııalardan básekege qabilettilikti talap etý. Osy oraıda aǵymdaǵy jyldyń mamyr jáne maýsym aılarynda alǵashqy aýktsıon ótkizildi, onyń qorytyndysy boıynsha jalpy qýaty shamamen 200 MVt-ty quraıtyn kún, jel, bıogazdyq jáne gıdroelektr stantsııalaryn salý boıynsha 19 jańa joba iriktelip alyndy. Ústimizdegi jyldyń qazan aıynda aýktsıonnyń ekinshi kezeńin ótkizý josparlanyp otyr», - dedi Baqytjan Qajıev.