Elimizde elektr energııasy naryǵy 2019 jylǵa qaraı engiziledi - Senat
Eske salaıyq, qujat Memleket basshysynyń bes ınstıtýtsıonaldyq reformasy aıasyndaǵy «100 naqty qadam» Ult josparyn júzege asyrýǵa baǵyttalǵan zań jobasy elimizdegi elektr energetıkasy salasyn jetildirýge baǵyttalǵan bolatyn. Osyǵan oraı, zań jobasymen elimizde birtutas elektr energetıkalyq júıesiniń júkteme kóterýge ázirligin qoldaý úshin biryńǵaı satyp alýshy qurylatyny kózdeledi. Sonymen qatar, elektr energııasynyń ortalyqtandyrylǵan ımporty men eksportyn júzege asyrý úshin Ulttyq operator ınstıtýty engizilmek.
Budan bólek, zań jobasynda salanyń ınvestıtsııalyq tartymdylyǵyn arttyrý maqsatynda elektr energetıkasy salasyndaǵy tarıf saıasatyn ózgertý usynylady. Sonymen qatar, elektr energııasy naryǵynyń aıqyndylyǵy men turaqty jumys isteýin qamtamasyz etý úshin Naryq keńesin qurý qarastyrylady. Tutastaı alǵanda, zań jobasy energııa óndirýshi uıymdar úshin ınvestıtsııalardy qaıtarýdyń uzaqmerzimdi kepildikterin qamtamasyz etýge jaǵdaılar jasamaq.
Talqylaý barysynda senatorlar tarapynan birqatar ózgerister engizý qajettiligi týyndady. Atap aıtqanda, Senat depýtattary qosymsha elektr taratý jelileri men qosalqy stansalaryn salý men jobalaý jumystary boıynsha jergilikti atqarýshy organnyń kelisimin alý týraly quzyretin joıýdy usynyp otyr. Budan bólek, zań jobasyna elektr energetıkasy naryǵyn engizýdi 2019 jylǵa deıin shegerý týraly usynys engizilgen. Al qujatta bul merzim 2016 jyldyń 1 qańtarynan enedi dep kórsetilgen bolatyn.