Elimizde elektr energetıkasy salasynyń mamandary jetkilikti - B.Jumaǵulov
ASTANA. 13 naýryz. QazAqparat - Elimizde elektr energetıkasy salasynyń mamandary jetkilikti.
Búgin Úkimet otyrsynda Premer-Mınıstr Kárim Másimovtiń atalǵan sala mamandaryna qatysty qoıǵan saýalyna jaýap bergen QR Bilim jáne ǵylym mınıstri Baqytjan Jumaǵulov osylaı málim etti.
Qazaqstan ózin-ózi elektr energetıkasy salasynyń mamandarymen tolyqtaı qamtamasyz ete alatyndyǵyn basa aıtqan ol: «Qazirgi ýaqytta tehnıkalyq jáne kásiptik bilim beretin 80 oqý orny elektrshilerdiń orta býynyn daıyndaıdy. Bul shamamen 24,5 myń adamdy quraıdy. Onyń 50 paıyzy bilim granttary boıynsha oqýda», - dedi ol.
Sonymen qatar mınıstrdiń aıtýynsha, atalǵan sala ınjenerlerin daıyndaýmen elimizde 51 joǵary oqý orny aınalysady. «Jylý energetıkasy salasy boıynsha stýdentter 17, al elektr energetıkasy boıynsha 34 mamandyqta oqıdy. Tolyqtaı alǵanda bizdiń oqý oryndarymyzda 13 myń stýdent bilim alady», - dep atap ótken B.Jumaǵulovtyń deregine saı, jyl saıyn elimizde 800 adam ınjener-energetık mamandyǵyn alyp shyǵady.
