Elimizde «Eksporttyq-kredıttik agenttik týraly» zań jobasy ázirlendi
«Shıkizattyq emes eksportty odan ári damytý jáne ilgeriletý maqsatynda «Eksporttyq-kredıttik agenttik týraly» zań jobasy ázirlendi. Ol «KazakhExport» aktsıonerlik qoǵamyn eksportty qarjylyq qoldaýdyń biryńǵaı operatory retinde arnaıy rejımde qalyptastyrýdy kózdeıdi. Osyndaı qoldaý is-sharalaryn bir ınstıtýtta shoǵyrlandyrý eksporttaýshylarǵa eksporttyq tsıkldiń barlyq kezeńderinde tıimdi kómek kórsetýge múmkindik beredi. Qazirgi ýaqytta zań jobasy memlekettik organdarmen jáne uıymdarmen kelisilýde», - dedi mınıstr Senatta ótken Úkimet saǵatynda.
Onyń atap ótýinshe, «Saýda qyzmetin retteý týraly» Zańda ishki saýda sýbektilerine memlekettik qoldaý is-sharalaryn kórsetý boıynsha Saýda mınıstrliginń quzyretin aıqyndaý usynylady
«Bul ishki saýdany damytýǵa qolaıly quqyqtyq, ekonomıkalyq jáne áleýmettik jaǵdaılar jasaýǵa jol beredi. Sondaı-aq, naryqtaǵy iri saýda jelileriniń qyzmetin retteýge, dempıngti ústeme baǵalardy baqylaý engizý usynylady», - dedi Baqyt Sultanov.
