Elimizde «ekshn» janryndaǵy «Elesterdi aýlaý» atty fılmniń túsirilimi júrip jatyr
MATY. 22 shilde. QazAqparat /Ádilet Musahaev/ - Qazaqstanda Sh.Aımanov atyndaǵy «Qazaqfılm» kınostýdııasynda alǵash «ekshn» janryndaǵy «Elesterdi aýlaý» atty iri kólemdi fılmniń túsirilimi júrip jatyr. Bul jaıynda búgin jobanyń qatysýshylary Almatyda arnaıy ótken baspasóz máslıhatynda aıtty.
Atalǵan fılm «MG Production» kınokompanııasynyń atsalysýymen birge túsirilip jatyr. Fılmniń prodıýseri - Ernar Málikov, stsenarıı avtory jáne rejısseri - Marına Kýnarova, qoıýshy-operator júzdegen gollıvýdtyq jobaǵa qatysqan Kýrtıs Peterson. Basty rólderde - Sanjar Madıev, Ásel Saǵatova, Nıkıta Presnıakov, Kámıla Ermekova, Krıstıan Loken, Armand Assante.
E.Málikov bul "Ózge jaǵy" (Obratnaıa storona) fılminiń jalǵasy emes ekendigin jáne basqa janr men pishinde túsirilip jatqandyǵyn aıtyp ótti.
«Qazaqfılm» AQ-nyń basqarma dırektory Іlııas Ahmettiń aıtýynsha, bul joba bastapqy kezde úlken qyzyǵýshylyq týdyryp, kastıng barysynda akterlerdiń aýqymdy bóligi qaralǵan. "Aldymyzda qazaqstandyq jáne sheteldik akterlerdiń arasynda shyǵarmashylyq ári kásibı baılanys ornatý syndy basty tapsyrma boldy", -dep atap ótti І.Ahmet. Basty róldiń birinde oınaıtyn S.Mádıev túsirilim jumystary bastalmas buryn osy janrda túsirilgen gollıvýd fılmderin kórip shyqqandyǵyn moıyndady.
Amerıkandyq aktrısa K.Loken Qazaqstanǵa alǵash kelgendigin jáne osy jyly bul el táýelsizdiginiń 20 jyldyǵyn toılaıtyndyǵyn biletindigin jetkizdi. Sondaı-aq ol amerıkandyq akter Mark Dakaskostan Qazaqstan jaıynda kóp maǵlumat alǵandyǵyn da atap ótti. «Qazaqstan jas memleket bola tura kınoındýstrııany damytýǵa úlken mán berip otyr», -deıdi AQSh-tan kelgen aktrısa.
Amerıkandyq aktrısaǵa qaraǵanda reseılik akter N.Presnıakov Qazaqstanǵa úshinshi ret kelip otyr. Alǵash Almatyǵa ol alty jasynda ata-anasymen kelgen. N.Presnıakovtyń aıtýynsha, ol eki jyldaı Nıý-Iorktiń kınoakademııasynda bilim alǵan jáne keleshekte rejısser mamandyǵyn almaq. Ol birneshe qysqametrajdy fılm men bir mýzykalyq beıne klıp túsirip úlgergen. Bolashaqta óz anasy, ıaǵnı ánshi Krıstına Orbakaıteniń qatysýymen beıne klıp túsirmek ekenin de aıtyp ótti.
