Elimizde ekpe salý pýnktteriniń sany artýda - DSM
NUR-SULTAN. QazAqparat – Elimizde koronavırýsqa qarsy ekpe salý pýnktteriniń sany artýda. Bul týraly búgin Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.
«Qajettilikti eskere otyryp, ekpe salý pýnktteriniń sany únemi artyp kele jatqanyn atap ótkim keledi. Búginde óńirlerde ımmýndaý 1 051 ekpe salý pýnktinde júrgiziledi. Buǵan qosa, jekelegen aýdandarda, uıymdasqan ujymdarda, adamdar kóp jınalatyn jerlerde koronavırýsqa qarsy vaktsınatsııa júrgizý úshin 303 kóshpeli ekpe salý brıgadasy jumyldyrylǵan», - dedi Alekseı Tsoı.
Onyń dereginshe, ımmýndaý naýqanyna 10 myńnan astam medıtsnıa qqyzmetkeri tartylǵan.
«Almaty, Nur-Sultan, Shymkent, Kókshetaý, Qostanaı, Qaraǵandy qalalarynda ekpe salý pýnktteri saýda ortalyqtarynda, bazarlarda, uıymdastyrylǵan ujymdarda jasaqtalǵan. Onda demalys kúnderi vaktsınatsııalaýǵa qoljetimdi. Bul vaktsınanyń halyqqa qoljetimdiligin qamtamasyz etýge múmkindik beredi», - dedi mınıstr.
