Elimizde ekonomıka men basqarý júıesiniń tıimdiligin arttyrý qajet- Toqaev
ALMATY. QazAqparat – Almatyda basqa óńirlerge úlgi bolatyndaı kóp jumys atqarylyp jatyr. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Elimiz damýdyń jańa kezeńine qadam basty. Sondyqtan ekonmıkany jáne basqarý júıesiniń tıimdiligin arttyrýǵa erekshe nazar aýdarýymyz kerek. Ákimderdiń jumysyndaǵy negizgi kórsetkish bul ınvestıtsııany tartý jáne jańa jumys oryndaryn ashý», -dedi Qazaqstan Prezıdenti Almaty qalasyn damytý máseleleri jónindegi keńeste.
Sondaı-aq, Prezıdent ınfraqurylymdy damytý, shaǵyn jáne orta bıznesttiń órkendeýine jaǵdaı jasaý, ekologııany qorǵaý asa mańyzdy mindetter ekendigin atap ótti.
«Ózimniń saılaý aldyndaǵy baǵdarlamamda osy máseleler týraly aıtqanymdy jaqsy bilesizder. Bul oraıda, Almatynyń zor áleýetin atap ótý kerek. Qalada basqa óńirlerge úlgi bolatyndaı kóp jumys atqarylyp jatyr. Degenimen qalany ary qaraı damytý, halyqtyń ál-aýqatyn arttyrý, turmys sapasyn jaqsartý kún tártibinen túspeý kerek»,- dedi ol.
