Elimizde ekologııalyq ákimshilik aıyppul 10 esege ósedi
«Jańa ekologııalyq kodekstiń jańashyldyqtarynyń birine toqtalaıyn: qazirgi ýaqytta jergilikti bıýdjetterge qorshaǵan ortaǵa shyǵarylǵan emıssııa úshin ortasha eseppen 60-70 mlrd teńge salyq jınalady. Ekologııalyq kodekstiń jobasy osy qarajatty aımaqtardy eskere otyryp, ekologııalyq máselelerdi sheshýdi kózdeıdi. Qazirgi tańda joǵaryda atalǵan somanyń bar bolǵany 10 paıyzy ekologııalyq qajettilikke jumsalyp keledi», - dedi OKQ-da ótken baspasóz máslıhatynda QR Ekologııa, geologııa jáne tabıǵı resýrstar vıtse-mınıstri Ahmetjan Pirimqulov.
Vıtse-mınıstr sonymen birge, jańa kodeks arqyly ekologııalyq normalaý júıesin jetildirmek. ıAǵnı, kezeń-kezeńmen qorshaǵan orta normatıvteriniń sapasyn jaqsartý josparlanǵan.
«Búgingi kúni bárimiz Densaýlyq saqtaý mınıstrligi bekitken shekti kontsentratsııany paıdalanymyz. Bul shekti kontsentratsııa tek adam densaýlyǵyna áseri turǵysynan ǵana esepke alynady. Demek, kásiporynnyń búkil qorshaǵan ortaǵa tıgizetin yqpaly eskerile bermeıdi. Qorshaǵan orta sapasynyń normatıvteri tolyǵymen belgili bir kásiporynnyń halyq densaýlyǵyna da tıgizetin áserin esepke alady», - dedi Ahmetjan Pirimqulov.
Onyń aıtýynsha, ekologııalyq tártipti buzǵandar úshin ákimshilik aıyppul mólsheri ósedi.
«Ortasha eseppen ekologııalyq buzýshylyq úshin salynatyn ákimshilik aıyppul qazirgimen salystyrǵanda 10 ese ósedi», - dedi ol.
Eske sala ketsek, buǵan deıin Ahmetjan Pirimqulov jeltoqsan aıynda Parlamentke engiziletin jańa ekologııalyq kodeks jobasy qoldanystaǵy zańnamaǵa birqatar ózgeris engizýdi kózdeıtinin habarlaǵan edi.
