Elimizde ekinshi ret áskerı arý qyzdar baıqaýy ótkiziledi (FOTO)

ASTANA. QazAqparat - Aqpan aıynan bastap Qarýly Kúshterde áskerı qyz-kelinshekter arasynda «Batyr arýlar» baıqaýy bastaldy. Ekinshi márte ótetin sulýlyq baıqaýynda armııanyń on eki arýy tańdalady, dep habarlaıdy Qorǵanys mınıstrliginiń baspasóz qyzmeti.

Alǵashqy «Batyr arýlar» respýblıkalyq baıqaýy ómirin áskerı qyzmetke arnaǵan jandar týraly boldy. Úmitkerler ótinim bergennen bastap sheshýshi kezeńge deıin aýyr synaqtardan ótti. Olar oq atty, granata laqtyrdy, ártúrli kedergilerdi ótti, ózennen júzip ótti, qýatty jaýyngerlik mashınalardy basqardy.

Bıylǵy baıqaýǵa ótinish qabyldaý aqpannan bastaldy. 25 naýryzǵa deıin baıqaýǵa qatysýǵa nıet bildirgender saýalnamany toltyryp jiberedi, ózi jáne QR Qarýly Kúshteri qataryndaǵy áskerı qyzmet týraly áńgimelep beredi.

Ekinshi kezeńde Qorǵanys mınıstrliginiń resmı saıtynda ashyq daýys beriledi. Ol 1 sáýirde bastalyp, 15 maýsymda aıaqtalady. Barynsha kóp daýys jınaǵandar baıqaý jeńimpazy atanady..

Esterińizge sala ketsek, «Batyr arýlar» - QR QK qyz-kelinshek áskerı qyzmetshileri arasynda ótkiziletin respýblıkalyq baıqaý. Birinshi baıqaýǵa elimizdiń túkpir-túkpirinen ótinim bildirgen 123 áıel áskerı qyzmetshi qatysty. Synaqtan súrinbeı ótip, ózderiniń jaýyngerlik ázirligin, tózimdiligi men kúshin dáleldegen 12 jeńimpaz anyqtaldy. Baıqaý máresinde qyz-kelinshekterdi kásibı stılısterdiń ajarlaný qyzmeti kórsetiledi jáne mamandandyrylǵan kúntizbege arnalǵan fotosessııa júrgiziledi.