Elimizde eki kún ishinde gazdan 14 adam ýlanyp, 3 adam qaıtys boldy - TJM

ASTANA. QazAqparat - Elimizde eki kún ishinde 14 adam aýyrlyǵy ártúrli dárejedegi ýly gazdan ýlanyp, aýrýhanaǵa tústi, taǵy 3 adam qaıtys boldy, dep habarlaıdy QazAqparat TJM-ge silteme jasap.

19 jeltoqsanda Abaı oblysyndaǵy Semeı qalasynda peshpen jylytylatyn 2 qabatty turǵyn úıdiń 2-qabatynda qatty otynmen jylytylatyn peshti paıdalaný erejelerin buzǵandyqtan, tútin murjasynyń tartylýynyń bolmaýyna baılanysty ýly gazdan ýlanyp 1994, 1971 jáne 1997 jyldary týǵan 3 adam aýrýhanaǵa jatqyzyldy.

«Osy kúni Astana qalasynda peshpen jylytýdyń aqaýlyǵyna baılanysty 2 qabatty jeke turǵyn úıde ortasha aýyrlyqtaǵy ýly gazdan ýlanyp, 1970, 1990, 1994, 2012, 2015, 2018 jyldary týǵan azamattar aýrýhanaǵa jetkizildi.

18 jeltoqsanda Shyǵys Qazaqstan oblysy Altaı aýdanynyń Maleevsk kentindegi ortalyq aýrýhanasyna ýly gazdan ýlaný belgileri bar 15 jastaǵy jasóspirim tústi. Belgili bolǵandaı, apat jigit vannada bolǵan kezde tazalanbaǵan murjanyń saldarynan bolǵan», - dep jazdy mınıstrlik.

Vedomstvo yqtımal qaıǵyly saldardyń aldyn alý úshin únemi abaı bolyp, qarapaıym qaýipsizdik erejelerin saqtaýǵa shaqyrdy

TJM halyqqa jazataıym oqıǵalarǵa ákelýi múmkin buzýshylyqtardy ýaqytyly joıýdy usynady. Peshterdegi jaryqtardy bitep, murjalardy 3 aıda keminde 1 ret tazalaý, aıazda peshterdi qatty qyzdyrmaý, ot jaǵý úshin uzyndyǵy ot jaǵý ólsheminen aspaıtyn otyndy paıdalaný qajet.

Foto:gov.kz