Elimizde eki kún ishinde 40 myń dana kontrafaktilik dısk tárkilendi
ASTANA. 6 naýryz. QazAqparat - 26-28 aqpan kúnderi respýblıka aýmaǵynda aqparattyq tehnologııalar baǵytyndaǵy qylmystardy anyqtaýǵa, olardyń jolyn kesýge jáne ashýǵa, sondaı-aq erkin aınalymda tyıym salynǵan ónimderdi zańsyz daıyndaýmen, kóbeıtýmen jáne satýmen aınalysatyn tulǵalardy anyqtaýǵa baǵyttalǵan «Kontrafakt» jedel aldyn alý is-sharalary ótti. Bul týraly búgin ótken aptalyq brıfıngte QR ІІM resmı ókili Nurdildá Oraz málim etti.
«Іs-shara qorytyndysy boıynsha 259 kompıýterlik qylmystar men avtorlyq jáne aralas quqyqtardy buzý faktisi anyqtaldy, erkin aınalymda tyıym salynǵan 40 myń dana ónim, sonymen qatar, 39 myńnan astam kontrafaktilik dısk, 173 pornografııalyq mazmundaǵy dısk tárkilendi», - dedi resmı ókil.
