Elimizde egis naýqanyna daıyndyq deńgeıi joǵary - AShM
ASTANA. 26 shilde. QazAqparat /Qanat Mámetqazyuly/ - Elimiz boıynsha egindi jınaý naýqanyna jalpy daıyndyq deńgeıi byltyrǵa qaraǵanda 6 paıyzǵa joǵary.
Naýqan barysyna búgingi kúni aýyl sharýashylyǵy tehnıkalarynyń 92 paıyzy saqadaı saı ázir. Bul týraly aýyl sharýashylyǵy mınıstrliginiń baspasóz qyzmetinen habarlandy.
«Qazirgi ýaqytta Almaty, Jambyl, Qyzylorda jáne Ońtústik Qazaqstan oblystarynda astyq jınaý naýqany bastaldy. Aýyl sharýashylyǵy taýarlaryn óndirýshileri 21 shildege deıin 222,7 myń gektar jerden astyq jınady. Bul atalǵan oblystardyń egis aýmaqtarynyń shamamen 22,4 paıyzyna teń. Jalpy jıyn-terin naýqany bastalǵan oblystardaǵy egistik aýmaqtarynda 333,9 myń tonna astyq bastyrylsa, ónimdilik orta eseppen gektaryna 14,7 tsentnerdi qurap otyr», - delingen baspasóz baıanynda.
Jemshóp daıyndaý jumystary da jappaı júrgizilýde. Atap aıtqanda, búgingi kúni 6,5 mln. tonna pishen daıyndalǵan. Bul jospardyń 44 paıyzyn quraıdy.
