Elimizde egde jastaǵylardyń naýqas, múgedek jáne ólim kórsetkishteri eńbekke qabilettilerinen 2-8 ese artyq
ALMATY. 12 qarasha. QazAqparat /Erbol Turymbetov/ - Elimizde egde jastaǵylardyń naýqas, múgedek jáne ólim kórsetkishteri eńbekke qabilettilerinen 2-8 ese artyq. Bul týraly Salaýatty ómir saltyn qalyptastyrý máseleleri jónindegi Ulttyq ortalyq dırektorynyń orynbasary Tatıana Slajneva Almatyda ótken dóńgelek ústelde málim etti.
Onyń aıtýynsha, 2011-2020 jyldarǵa arnalǵan Qart adamdardyń jaǵdaıyn jaqsartý jónindegi Ulttyq is-qımyl jospary halyqaralyq Madrıd josparynyń ustanymdary negizge alyna otyryp qurylǵan. Esterińizge sala keteıik, Madrıd jospary 2002 jyly BUU-nyń qartaıý máseleleri jónindegi ekinshi dúnıejúzilik assambleıasynda qabyldanǵan bolatyn.
Qurylyp otyrǵan Ulttyq is-qımyl josparynyń maqsaty qarttardyń ómir súrý deńgeıin jaqsartý, densaýlyq saqtaý qyzmetterine qoljetimdiligin arttyrý men olardy elimizdiń áleýmetti-ekonomıkalyq damýyna jumyldyrýǵa baǵyttalǵan.
