Elimizde Dúnıejúzilik vırýstyq gepatıtpen kúres kúnine oraı aılyq bastaldy
«Sharany ótkizýdiń maqsaty - turǵyndardyń vırýstyq gepatıt týraly, aýrýdy juqtyrý men taratý joldary jaıynda eskertý sharalary, salaýatty ómir saltyn nasıhattaý boıynsha aqparattandyrylýyn arttyrý, eresekterdiń jáne balalardyń densaýlyǵyn saqtaýdaǵy jaýapkershiligin arttyrý bolyp tabylady. Aılyqtyń aıasynda profılaktıkalyq sharalarǵa, skrınıngtik zertteýlerge, balalardy gepatıtke qarsy vaktsınatsııalaýmen qamtý jáne turǵyndardy vırýsty gepatıt týraly aqparattandyrý sharalaryna basa nazar aýdarylady», delingen habarlamada.
Aktsııa barysynda «A» gepatıti bizge qaýip tóndirmeıdi!» atty flesh-mobtar, «Vırýstyq gepatıt profılaktıkasy» taqyrybyndaǵy baspasóz máslıhattary men dóńgelek ústelder, «Gepatıttiń túrleri jáne onyń aldyn alý sharalary» atty aqparattyq saǵattar ótkiziledi.
Gepatıt - vırýsty ınfektsııa negizinde týyndaıtyn baýyrdyń qabynýy. Vırýsty gepatıttiń A, B, C, D jáne E tıptegi 5 túri bar. V jáne S tıpteri aýyr sozylmaly aýrýdyń damýyna ákeletin, indetti juqtyrǵan adamdardyń kópshiliginde ondaǵan jyldar boıy eshqandaı aýrý belgileriniń bolmaýyna baılanysty tsırroz ben baýyr obyryn týyndatatyn eń kóp taralatyn gepatıt túri bolyp sanalady. Bul vırýsty tasymaldaýshylar ańdaýsyz ózgelerge juqtyrylýy múmkin. Jyl saıyn 1 mıllıonǵa jýyq adam vırýstyq gepatıt, onyń ishinde tsırroz ben baýyr obyry saldarynan qaıtys bolady. Gepatıttiń saldarynan bolatyn ólimge jol bermeý úshin jańa juqtyrý jaǵdaılarynyń aldyn-alý, testileýdi jetildirý jáne juqtyrǵan adamdardy emdeýge múmkindik berý sharalaryn júzege asyrý qajet. Bul V gepatıtimen aýyratyn balalardy vaktsınatsııalaý men qaýip-qaterge beıim V jáne S gepatıtimen aýyratyn adamdardy emdeý úshin barlyq emdik dárilerdiń qoljetimdiligin qamtamasyz etý bolyp tabylady. Jańa týylǵan sábılerdi vaktsınatsııalaý - V gepatıtin anadan balaǵa juqtyrýdyń eń tıimdi aldyn-alý sharalarynyń biri.