Elimizde dızel otynyn satýdy esepke alatyn júıe iske qosyldy

ASTANA. QazAqparat - Munaı ónimderiniń jekelegen túrlerin esepke alatyn aqparattyq júıesi bazasynda saralanǵan baǵalar (óńirge baılanysty lıtrine 230-260 teńge) boıynsha dızel otynyn satý úshin tutynýshylar derekterin verıfıkatsııalaý boıynsha modýl iske qosyldy. Bul týraly QazAqparat Energetıka mınıstrligine silteme jasap habarlaıdy.

«Dızel otynyn satý kezinde júrgizýshilerdiń usynylǵan qujattary Іshki ister, Tsıfrlyq damý, ınnovatsııalar jáne aeroǵarysh ónerkásibi mınıstrlikteriniń jáne Memlekettik kredıttik bıýronyń derekter bazasynda tekserýden ótedi. Satyp alǵannan keıin bir mezgilde avtokólik ıesine jáne saqtandyrý polısinde bar tulǵalarǵa 1414 qysqa nómirinen otyn satyp alý kólemi týraly aqparat jáne biregeı kodty taǵaıyndaýmen lımıt qaldyǵy týraly habarlama kelip túsedi, ol boıynsha keıinnen satyp alýdyń barlyq protsesin baqylaýǵa bolady», - delingen mınıstrlik habarlamasynda.

Júıe iske qosylǵan sátten bastap AJQS-ta júıege qosylý úshin esepke alatyn baqylaý aspaptarymen jaraqtandyrýdyń bolmaýyna, kólik quraldarynda qaıta jabdyqtaý úshin tıisti ruqsattyń bolmaýyna baılanysty quqyq buzýshylyqtar anyqtalǵanyn atap ótemiz, sondaı-aq basqa kólik quralyna tıesili qujattardy usyna otyryp, kólikke janarmaı quıý áreketimen zańsyz is-áreketter tirkelgen.

Qazirgi ýaqytta ákimshilik aıyppul salý nemese belgili bir merzimge lımıtter berýdi toqtata turý arqyly sharalar pysyqtalýda.